Вы тут

Пад канец футбольнага сезона гродзенец выйграў аўтамабіль


Такі розыгрыш у Гродне адбыўся ўпершыню. Ключы ад новага «Рэно-Логан» сям'і Івановых з Гродна ўручылі прадстаўнікі футбольнага клуба «Нёман» сумесна з кіраўніцтвам Цэнтральнага спартыўнага комплекса.


Можна сказаць, што ўзнагарода заслужаная. Балельшчык Сяргей Іваноў набыў абанемент на ўсе гульні сезона. Ён актыўна прапагандуе спорт, з'яўляецца пастаянным балельшчыкам гродзенскай каманды, наведвае ўсе матчы як футбольнага, так і хакейнага клубаў. Саперніцтва ў конкурсе было даволі жорсткае, у розыгрышы ўзяло ўдзел больш за тысячу аматараў футбола. А вось пашанцавала далёка не ўсім.

У сям'і Івановых падарунку вельмі рады, бо іх старому аўтамабілю ўжо 23 гады. Сям'я шукала магчымасць набыць новую машыну. Дарэчы, на матчы сваёй любімай каманды Сяргей Іваноў ходзіць з дачкой на працягу дзевяці гадоў, з той пары, як Івановы пераехалі ў Гродна са Шчучына.

Як паведамілі ў прэс-цэнтры футбольнага клуба «Нёман», такі падарунак для балельшчыкаў падрыхтаваны ўпершыню. Кожны ўдзельнік конкурсу паўгода таму запоўніў анкету, сярод якіх і адбыўся розыгрыш. Згодна з умовамі, на галоўны прыз было выдаткавана 18 тысяч рублёў.

Што датычыцца самой каманды, то сёлетні сезон для яе — не самы ўдалы. У параўнанні з мінулым годам клуб здаў пазіцыі і цяпер займае 8-е месца сярод 16 камандаў вышэйшай лігі.

Маргарыта Ушкевіч

Фота Hrоdnа Lіvе

Выбар рэдакцыі

Культура

Галоўны рэдактар часопіса «Маладосць» распавядае пра новую стратэгію выдання

Галоўны рэдактар часопіса «Маладосць» распавядае пра новую стратэгію выдання

З пачаткам новай падпісной кампаніі ў «Маладосці» з'явіўся новы «прамоўшан»: цяпер гэта «больш чым часопіс».

Грамадства

Як «Чырвонка. Чырвоная змена» дае дарогу будучым журналістам

Як «Чырвонка. Чырвоная змена» дае дарогу будучым журналістам

Мы заўсёды чакаем найперш ініцыятыўных, здольных нешта прапанаваць. І такія маладыя людзі заўсёды будуць пачуты.

Культура

Апошні трэк-ліст Алега Молчана

Апошні трэк-ліст Алега Молчана

Сёння 40 дзён, як кампазітар пайшоў з жыцця.