Вы тут

Літаратурна-мемарыяльны музей Якуба Коласа рыхтуецца адзначыць юбілей


4 снежня споўніцца 60 гадоў з моманту адкрыцця тут першай экспазіцыі.


yakubkolas.by.

Як сведчаць дакументы, музей Якуба Коласа быў створаны Пастановай ЦК КПБ і Савета Міністраў БССР «Аб увекавечванні памяці народнага паэта БССР Якуба Коласа (Канстанціна Міхайлавіча Міцкевіча) у жніўні 1956 года, пасля смерці народнага паэта Беларусі. Арганізацыяй музея ў тым самым доме, дзе з канца 1944-га да апошніх дзён жыў пісьменнік з сям'ёй, займаўся яго старэйшы сын Даніла Канстанцінавіч, які стаў і першым дырэктарам установы. Для падрыхтоўкі экспазіцыі спатрэбіўся пэўны час, таму першых наведвальнікаў дом-музей прыняў толькі 4 снежня 1959 года.

На сённяшні дзень музей — гэта дзесяць выставачных залаў, прычым у двух пакоях (кабінеце і спальні) захаваны прыжыццёвы інтэр'ер коласаўскага дома, а ў астатніх знаходзяцца мэбля і рэчы, якімі карыстаўся паэт. Асноўны музейны фонд налічвае звыш 30 тысяч адзінак, у тым ліку асабісты архіў, рукапісы, кнігі і ўзнагароды пісьменніка, разнастайныя кінафотадакументы, мастацкія творы і г. д. Яшчэ адна частка музея — філіял «Мікалаеўшчына» — знаходзіцца на радзіме Якуба Коласа ў Стаўбцоўскім раёне.

Адмыслова да юбілею сумесна з калекцыянерам Уладзімірам Ліхадзедавым супрацоўнікі музея народнага паэта Беларусі падрыхтавалі выстаўку «Песняры зямлі беларускай. Міцкевічы: ад Адама да Канстанціна». «Нягледзячы на тое што два таленты, народжаныя на Беларусі ў розныя стагоддзі, карысталіся рознымі мовамі, ім абодвум удалося ўвасобіць геній мясцовага духу ў сваіх лірычных эпасах. Адам Міцкевіч у нейкі момант вымушана пакінуў радзіму, Канстанцін Міцкевіч — Якуб Колас быў укаранёны ў родную зямлю, але і адзін, і другі чэрпалі натхненне ў духоўнай і матэрыяльнай спадчыне беларусаў», — адзначаецца ў прадмове да выстаўкі. Як расказалі «Звяздзе», гэтая экспазіцыя складаецца з некалькіх тэматычных блокаў і ўключае старыя паштоўкі і асабістыя рэчы, якія належалі двум вялікім паэтам. Наведвальнікі змогуць убачыць яе ўжо з 5 снежня. А 4-га музей павіншуюць з юбілеем ганаровыя госці — чакаюцца паслы з 20 краін свету, прадстаўнікі творчай інтэлігенцыі, кіраўнікі дзяржаўных ведамстваў, у тым ліку Міністэрства культуры і Міністэрства інфармацыі Беларусі.

Вікторыя ЗАХАРАВА

Загаловак у газеце: У госці да дзядзькі Якуба

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.