Вы тут

У Светлагорску маладыя мамы папаліся, спрабуючы вывезці тавар з крамы ў калясцы


Кнопку трывожнай сігналізацыі націснулі днём у адным з буйных гандлёвых аб’ектаў горада. На месцы здарэння нарад Дэпартамента аховы затрымаў двух жыхарак Светлагорска 1997-га і 1995-га гадоў нараджэння.


Дзяўчыны прыйшлі ў краму з малалетнімі дзецьмі. У гандлёвую залу яны накіраваліся з каляскай, якую напоўнілі рознымі таварамі і прадуктамі. Пазней высветлілася, што разлічвацца за іх наведвальніцы не збіраліся, паведамілі ў МУС.

На выхадзе з крамы “пакупніц” спынілі ахоўнікі. У калысцы былі схаваныя прадукты харчавання, патэльня, некалькі парасонаў, бялізна, падгузнікі і іншыя тавары на суму каля 300 рублёў, якіх не аказалася ў таварным чэку.

Па выніках праверкі ў дачыненні да дзяўчат распачата крымінальная справа за замах на крадзеж. Адна з падазраваных ужо была асуджана за злоснае хуліганства.

Сяргей РАСОЛЬКА

Прэв'ю: novosti-saratova.ru

Выбар рэдакцыі

Культура

Галоўны рэдактар часопіса «Маладосць» распавядае пра новую стратэгію выдання

Галоўны рэдактар часопіса «Маладосць» распавядае пра новую стратэгію выдання

З пачаткам новай падпісной кампаніі ў «Маладосці» з'явіўся новы «прамоўшан»: цяпер гэта «больш чым часопіс».

Грамадства

Як «Чырвонка. Чырвоная змена» дае дарогу будучым журналістам

Як «Чырвонка. Чырвоная змена» дае дарогу будучым журналістам

Мы заўсёды чакаем найперш ініцыятыўных, здольных нешта прапанаваць. І такія маладыя людзі заўсёды будуць пачуты.

Культура

Апошні трэк-ліст Алега Молчана

Апошні трэк-ліст Алега Молчана

Сёння 40 дзён, як кампазітар пайшоў з жыцця.