Вы тут

Карэспандэнт «Звязды» ўганаравана граматай МУС


У канцы мінулага тыдня ў Магілёве вызначылі найлепшых участковых інспектараў міліцыі і найлепшых участковых інспектараў па справах непаўналетніх. Агляд-конкурс праходзіць штогод і традыцыйна збірае сем камандаў — з кожнай вобласці і Мінска. 42 інспектары спаборнічалі за перамогу на працягу трох дзён. Выпрабаванняў было шмат — страявая, агнявая, тактыка-спецыяльная падрыхтоўка, аратарскае майстэрства, іспыты па медыцынскай і фізічнай падрыхтоўцы.


У камандным заліку сярод інспектараў ІСН першае месца — у Гродзенскай вобласці. У асабістым заліку перамог старшы ўчастковы інспектар ІСН аддзела ўнутраных спраў Віцебскага райвыканкама Аляксей Саўчанка. А найлепшым участковым інспектарам міліцыі стала Настасся Чупрыс з Мінска. Сталічная каманда здабыла вікторыю і ў каманднай намінацыі. Пераможцы атрымалі ключы ад новых службовых аўтамабіляў і сертыфікат на камп'ютарную тэхніку.

Намеснік міністра ўнутраных спраў — начальнік міліцыі грамадскай бяспекі генерал-маёр міліцыі Мікалай Мельчанка ўручыў таксама і дыпломы прадстаўнікам сродкаў масавай інфармацыі за найлепшую публікацыю аб дзейнасці ўчастковых інспектараў міліцыі і ўчастковых інспектараў па справах непаўналетніх. Сярод узнагароджаных — вядучы рэдактар аддзела камп'ютарных сістэм і інтэрнэт-версіі нашага выдавецкага дома Кацярына Ахрыменка. Віншуем!

Ул. інф

Фота Алены ІГНАТАВАЙ

Выбар рэдакцыі

Грамадства

Чаму 14 лістапада варта лічыць днём яднання?

Чаму 14 лістапада варта лічыць днём яднання?

З прапанаваных для абмеркавання дат, адна з якіх можа стаць Днём народнага адзінства — 14 лістапада.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Цялец. Тыдзень абяцае прынесці пазітыўныя тэндэнцыі ў многіх справах.