Вы тут

Каманды трох ВНУ выйшлі ў фінал чэмпіянату свету па праграмаванні


У паўфінальных спаборніцтвах ICPC, якія завяршыліся ў Санкт-Пецярбургу, прынялі ўдзел 310 універсітэцкіх каманд з 11 краін: Азербайджана, Арменіі, Беларусі, Грузіі, Казахстана, Кіргізіі, Латвіі, Літвы, Расіі, Таджыкістана і Узбекістана. Беларусь прадстаўлялі тры зборныя БДУІР, пяць каманд БДУ і па адной камандзе ад ГрДУ імя Я.Купалы, Брэсцкага дзяржаўнага ўніверсітэта і БНТУ.


Паўфінал Чэмпіянату свету праходзіў адначасова ў Санкт-Пецярбургу, Алма-Аце, Барнавуле і Тбілісі. Удзельнікам прапаноўвалася вырашыць 12 задач за 5 гадзін. Хлопцы   распрацоўвалі алгарытм, даказвалі яго правільнасць і аптымальнасць, пісалі праграму на адной з моваў праграмавання і адпраўлялі для праверкі ў аўтаматызаваную сістэму. Згодна з рэгламентам, кожная каманда працавала на адным камп’ютары. Перамога прысуджалася зборнай, якая вырашыла большую колькасць задач за найменшы час.

У фінале чэмпіянату свету па праграмаванні, які пройдзе ў чэрвені 2020 года ў Маскве, Беларусь упершыню будуць прадстаўляць студэнты адразу трох ВНУ: Беларускага дзяржаўнага ўніверсітэта, БДУІР і БНТУ.

"Задачу, якая была пастаўлена перад камандамі  БДУІР, мы выканалі — прайшлі ў наступны фінальны этап спаборніцтваў. А гэта каля 120 найлепшых каманд універсітэтаў з усяго свету. Безумоўна, вынік мог быць лепшы, без памылак не абышлося, як, напэўна,  у любым відзе спорту. Але зараз у каманды ёсць паўгода да фіналу, каб працягнуць трэніроўкі і выйсці на сваю пікавую форму ", - адзначыў трэнер каманд Belarusian SUIR # 1 і # 2 Аляксей Ропан.

Чэмпіянат свету па праграмаванні сярод студэнтаў (ICPC ) праводзіцца з 1977 года. Штогод у ім бяруць удзел каля 50 тысяч студэнтаў з больш чым 3000 універсітэтаў.

Надзея НІКАЛАЕВА

На фота: зборная студэнтаў ФКСіС БДУІР Belarusian SUIR #2: Уладзіслав Вішнеўскі, Валерый Шавель, Іван Удовін і іх трэнер Аляксей Ропан

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.