Вы тут

Пад Камянцом пацыент збіў урача і пашкодзіў электраабсталяванне ў рэнтген-кабінеце


У аграгарадку Пагранічная планавае правядзенне флюараграфіі скончылася здарэннем. Пацыент збіў урача перасоўнага рэнтген-кабінета і пашкодзіў абсталяванне ў аўтамабілі медыкаў.


Усё здарылася каля поўдня. Па інфармацыі УУС Брэсцкага аблвыканкама, памочніца ўрача на вуліцы запісвала ахвотных прайсці флюараграфію. Адзін з пацыентаў пасля працэдуры пачаў фліртаваць з ёй, усяляк спрабуючы ўзяць за рукі. Пазбавіцца на час ад назойлівага мужчыны дапамог калега, паклікаўшы дзяўчыну ў рэнтген-кабінет.

Вясковец аказаўся залішне настойлівым. Спачатку ён патрабаваў упусціць яго ў кузаў, а затым і зусім кінуўся з кулакамі на ўрача, парваўшы ў таго халат і прычыніўшы розныя цялесныя пашкоджанні. Калі мужчыну адцягнулі мінакі, пацярпеламу атрымалася забегчы ў кабінет і зачыніцца знутры.

Аднак крыўдзіцель працягнуў хуліганіць: біў рукамі і нагамі спецаўтамабіль, а таксама пашкодзіў ў ім электраабсталяванне. У выніку 43-гадовага пацыента затрымала міліцыя.

Па гэтым факце следчыя распачалі крымінальную справу за хуліганства. Падазраванаму можа быць прызначана пакаранне ў выглядзе пазбаўлення волі тэрмінам да трох гадоў.

Сяргей РАСОЛЬКА

Прэв'ю: kpsu.ru

Выбар рэдакцыі

Грамадства

«На паводзіны Любы не было нараканняў». Наколькі складана выхоўваць дзіця з сіндромам Даўна

«На паводзіны Любы не было нараканняў». Наколькі складана выхоўваць дзіця з сіндромам Даўна

Даша нарадзіла раней за тэрмін з дапамогай кесаравага сячэння. 

Грамадства

«Тут у некаторых па дзве вышэйшыя адукацыі». Расказваем, як і чым харчуюцца бяздомныя

«Тут у некаторых па дзве вышэйшыя адукацыі». Расказваем, як і чым харчуюцца бяздомныя

Яны з розных прычын засталіся без дому і сродкаў на пражыванне.

Грамадства

Што такое «ціхі» інфаркт, і каму ён пагражае

Што такое «ціхі» інфаркт, і каму ён пагражае

Расказала ўрач Наталля Карпук.

Грамадства

Работа па вяртанні імёнаў ахвяр канцлагера Штутгаф не спыняецца

Работа па вяртанні імёнаў ахвяр канцлагера Штутгаф не спыняецца

Імя адбіралі: калі ў рэгістрацыйны барак уваходзіў чалавек, то ўжо з наступных дзвярэй выходзіў нумар.