Вы тут

Сёння ў свеце адзначаецца Сусветны дзень валанцёраў


Сёння ў свеце адзначаецца Сусветны дзень валанцёраў. У Беларусі валанцёрскі рух сканцэнтраваны ў асноўным у грамадскіх аб'яднаннях, якія дапамагаюць хворым у анкалагічных і псіхіятрычных дыспансерах, дамах-інтэрнатах і іншых медыцынскіх і сацыяльных установах.


Вялікую колькасць валанцёраў — 16 тысяч — аб'ядноўвае Беларускае таварыства Чырвонага Крыжа. Другія Еўрапейскія гульні абслугоўвала 8,7 тысячы валанцёраў, пераважная большасць якіх — студэнты беларускіх ВНУ. Добраахвотнымі памочнікамі становяцца людзі самых розных прафесій — урачы, медсёстры, праграмісты, кіроўцы. І бескарысліва дапамагаюць у разнастайных сітуацыях: ад выратавання падчас прыродных і тэхнагенных надзвычайных сітуацый да простай тэлефоннай размовы з адзінокімі пажылымі людзьмі, якім неабходна падтрымка.

— Тое, што беларусы вельмі спагадлівыя людзі і гатовыя адгукнуцца на чужую бяду, прадэманстравала катастрофа прыроднага характару — ураган Хаўер, калі сотні нашых суайчыннікаў дапамагалі аўтамабілістам і іншым, хто трапіў пад удар стыхіі, — кажа афіцыйны прадстаўнік Міністэрства па надзвычайных сітуацыях Віталь Навіцкі.

Валанцёры Чырвонага Крыжа кругласутачна дзяжурылі і дапамагалі людзям падчас пераправы цераз Прыпяць (мост праз раку, які звязваў Жыткавічы і Тураў, трэснуў 7 снежня 2017 года, рух па ім адкрыўся пасля рэканструкцыі амаль праз год). У палатках былі арганізаваны абагрэў, гарачы чай і харчаванне, псіхалагічная дапамога.

Часта валанцёрамі становяцца работнікі прадпрыемстваў. Прыклад гэтаму — кампанія «Кока-Кола Беўрыджыз Беларусь», супрацоўнікі якой з 2007 года ўдзельнічаюць у акцыі «Выратуем Ельню разам». Балотны масіў у Віцебскай вобласці — адзін з найбуйнейшых у Беларусі, яны выратоўвалі ад перасыхання праз устаноўку плацін. Спачатку каля 50 плацін пабудавалі ўручную, а з 2015 года прамысловым шляхам узвялі яшчэ 46, што дазваляе затрымаць ваду ва ўнікальным прыродным комплексе.

Алена КРАВЕЦ

Прэв'ю: redcross.by

Загаловак у газеце: Ідуць туды, дзе неабходна дапамога

Выбар рэдакцыі

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Што хвалюе педагогаў?

Што хвалюе педагогаў?

​Якія крытэрыі робяць датэрміновую прафесійную пенсію — недасягальнай...

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.