Салідны бонус дзякуючы няўважлівасці касіра атрымала 21-гадовая жыхарка Наваполацка. Папаўняючы сваю аплатную картку ў адным з аддзяленняў «Белпошты», яна паклала суму ў 320 рублёў. Падчас правядзення плацяжу супрацоўніца ўстановы неспадзявана націснула на клавіятуры службовага камп'ютара на лішні нуль, і ў выніку на рахунак дзяўчыны ўпала сума ў 3200 рублёў. Пра гэта паведамляе МУС.
Ужо ўвечары навапалачанка выявіла, што нечакана стала ўладальніцай вялікай сумы. Яна хутка перавяла гэтыя грошы на сваю зарплатную картку, а таксама картку свайго маладога чалавека.
Супрацоўнікі пошты, выявіўшы нястачу, спачатку паспрабавалі вярнуць грошы праз банк, а пасля няўдачы там звярнуліся па дапамогу ў міліцыю. Праваахоўнікі высветлілі, хто стаў уладальнікам сродкаў, якія да таго часу ўжо былі выдаткаваныя.
Характэрна, што спачатку дзяўчына распавядала супрацоўнікам міліцыі, што яна папоўніла свой рахунак менавіта на 3200 рублёў. Зрэшты, пасля пад цяжарам доказаў усё ж прызналася, што грошы дасталіся ёй з-за чужой памылкі. У дачыненні да падазронай заведзена крымінальная справа па частцы 1 артыкула 209 КК Рэспублікі Беларусь (Махлярства).
Прэв'ю: ytimg.com
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
