22 кастрычніка, чацвер

Вы тут

Валянцін Елізар'еў прадстаўляе новую рэдакцыю балета «Стварэнне свету»


...Прэм'ера балета «Стварэнне свету» адбылася ў Мінску ў 1976 годзе — біблейская гісторыя цудам, няйначай, пераадолела заслону цэнзуры. Акурат для гэтай пастаноўкі кампазітар Андрэй Пятроў стварыў асобную музычную рэдакцыю і дапісваў некаторыя фрагменты. Спектакль з аншлагам праходзіў не толькі ў Савецкім Саюзе: падчас гастроляў у Польшчы да балетмайстра Валянціна Елізар'ева падышоў з віншаваннямі асаблівы глядач — кардынал Караль Вайтыла, які сказаў: «Дзякуй вам за Бога». Гэтыя словы будучага Папы Рымскага Іаана Паўла ІІ беларускі харэограф захоўвае ў памяці да сёння.


Легендарны спектакль не пакідае падмосткаў айчыннага тэатра оперы і балета ўжо больш за сорак гадоў, але з цягам часу харэограф і пастаноўшчык, народны артыст СССР і Беларусі Валянцін Елізар'еў, які летась вярнуўся ў тэатр як мастацкі кіраўнік, упэўніўся: новы час патрабуе не толькі новых касцюмаў і дэкарацый, але і перагляду тэхнічных рашэнняў, музычнага суправаджэння, харэаграфіі. «Сучаснага чалавека заўжды будзе хваляваць тэма, закранутая ў спектаклі, — перакананы Валянцін Мікалаевіч, — бо Бог стварыў чалавецтва, а ўжо яно, у сваю чаргу, стварае той свет, у якім павінна жыць надзея і існаваць гармонія... Але я разумею, што ставіць спектакль у тым выглядзе, у якім ён існаваў дзесяцігоддзі, мне ўжо нецікава. Дый у тэатры ўжо змяніліся пакаленні артыстаў — вось ад іх індывідуальнасцяў і творчых магчымасцяў я адштурхоўваўся ў новай аўтарскай рэдакцыі, каб глыбей раскрыць тэму чалавека і чалавецтва ў цэлым».

Дарэчы, гэта ўжо чацвёртая класічная пастаноўка, якую аднавілі ў Вялікім за апошнія некалькі гадоў — раней былі «Спартак», «Кармэн-сюіта» і «Рамэа і Джульета». Прэм'ера новай аўтарскай рэдакцыі спектакля «Стварэнне свету» адбудзецца ўжо ў нядзелю, 8 снежня, наступныя паказы прызначаны на 10 і 19 снежня.

Вікторыя ЗАХАРАВА

Прэв'ю: teleprogramma.pro

Загаловак у газеце: З чаго пачаўся Чалавек?

Выбар рэдакцыі

Культура

​Як вывозілі каштоўнасці з музеяў БССР у канцы 1920-х — пачатку 1930-х гг.

​Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі. 

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.

Грамадства

Як правільна суперажываць блізкім? Чаму не працуе звычайнае «Вазьмі сябе ў рукі!»?

Як правільна суперажываць блізкім? Чаму не працуе звычайнае «Вазьмі сябе ў рукі!»?

У падтрымцы звычайна маюць патрэбу ўсе жывыя людзі ў складаныя перыяды жыцця.