Вы тут

Як Мінск рыхтуецца сустрэць 2020 год


Да Новага года засталося крыху менш за месяц. Мінск ужо амаль гатовы да святаў. 


Цікава назіраць за тым, як мяняецца сталіца і настрой у людзей. Пакуль жа мы вырашылі прайсціся па самых яркіх і прыгожых крамах нашага горада, каб акунуцца ў казачную атмасферу свята.

Першымі свае святочныя прыгатаванні завяршылі гандлёвыя цэнтры. У гандлёва-забаўляльным комплексе «Dana Mall» заззяў галоўны сімвал свята — навагодняя ёлка з інтэрактыўнымі персанажамі. Пінгвіны, якія сустракаюць вядомымі песнямі наведвальнікаў «Dana Mall», белыя мядзведзі, чайкі, алені...

Рухаемся далей па праспекце Незалежнасці і не можам не засяродзіць сваю ўвагу на вітрынах ГУМа. Святочнае афармленне ў гэтым годзе створана па матывах беларускай мастачкі Ганны Сілівончык.

Заходзім у «Сталіцу», што побач, і ў «Галерэю» на Нямізе. У «Сталіцы» традыцыйна вялікая ёлка са шматлікімі святочнымі ўпрыгожванні, а ў «Галерэі» зладзілі вялікі навагодні кірмаш. 

Самы вялікі «Калядны кірмаш» адкрыецца ў Мінску 14 снежня. Гандлёвыя рады з’явяцца паблізу Палаца спорту і на Кастрычніцкай плошчы. 

А навагодняе шэсце Дзядоў Марозаў і Снягурак пройдзе ў Мінску 28 снежня. У ім возьмуць удзел каля тысячы казачных персанажаў, а таксама прадстаўнікоў працоўных калектываў, навучэнцаў і спартсменаў.

Таццяна ТКАЧОВА

Фота аўтара

Выбар рэдакцыі

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.

Грамадства

Збiраемся ў школу. У жнiўнi адна з галоўных задач мам i татаў — «экiпiроўка» дзяцей да 1 верасня

Збiраемся ў школу. У жнiўнi адна з галоўных задач мам i татаў — «экiпiроўка» дзяцей да 1 верасня

Першае i галоўнае правiла — яшчэ дома вызначыцеся з тым, што вам трэба.