Вы тут

Уладзімір Сямашка зрабіў шэраг заяў па выніках сустрэчы кіраўнікоў Беларусі і Расіі


Пасол Беларусі ў Расіі Уладзімір Сямашка, каментуючы вынікі перамоваў Аляксандра Лукашэнкі І Уладзіміра Пуціна, зрабіў шэраг заяў.


Фота БЕЛТА

Пытанне аб цане паставак газу ў Беларусь павінна быць узгоднена ў бліжэйшыя два тыдні

«Што тычыцца газу, мы абмяняліся пазіцыямі, яны часцяком не супадалі, але ў рэшце рэшт прэзідэнты вызначылі кірункі. І я ўдзячны Прэзідэнту Расіі Уладзіміру Пуціну, што ў перапынку сустрэчы прэзідэнтаў тэт-а-тэт ён даў даручэнне старшыні праўлення ПАТ «Газпрам» Аляксею Мілеру, прэм’ер-міністру Дзмітрыю Мядзведзеву і віцэ-прэм’еру Дзмітрыю Козаку, каб літаральна на працягу тыдня-двух усе рознагалоссі, пераліку мы павінны ўзгадніць — па паясах, прыбытковасць і г.д., каб у рэшце рэшт праз пару тыдняў далажыць, што мы знайшлі гэтую развязку», - распавёў Уладзімір Сямашка.

Пасол адзначыў, што пасля таго, як будуць узгоднены ўсе інтэграцыйныя карты і яны ўступяць у сілу з 1 студзеня 2021, пытанне аб цане паставак газу ў Беларусь будзе знята цалкам. «Мы ставім пытанне аб тым, якая будзе цана газу на 2020 год», — падкрэсліў ён. Дыпламат нагадаў, што ў адпаведнасці з міжурадавымі пагадненнямі кошт паставак газу на 2020 год павінен быў быць узгоднены яшчэ да 1 ліпеня 2019 года. «На жаль, мы зноў падышлі да канца года, — канстатаваў Уладзімір Сямашка. — Але я перакананы, што на наступным тыднi мы гэтае пытанне паспрабуем вырашыць з Аляксеем Мілерам і Міністэрствам энергетыкі РФ, а магчыма і з удзелам Дзмітрыя Козака».

Па словах дыпламата, паколькі бакі маюць намер выйсці да 1 студзеня 2021 года на роўныя цэны на газ, беларускі бок настойвае на тым, што і ў 2020 годзе яго цана павінна зніжацца, каб стварыць базу для фарміравання адзінай эканамічнай прасторы. «А якая гэта база, калі на мяжы газ амаль у два разы даражэйшы, чым у Смаленскай вобласці. Таму мы ставім пытанне, каб паступова да 1 студзеня 2021 года прыйсці да такога жа кошту, як на мяжы. А для таго каб была перакананасць, што гэта будзе так з 1 студзеня 2021, мы ставім пытанне аб тым, што давайце ўжо рухацца і ў 2020 годзе, хаця б палову гэтага шляху пройдзем», - сказаў Уладзімір Сямашка.


Знойдзены падыходы да вырашэння пытання аб кампенсацыі выдаткаў з-за падатковага манеўру

Уладзімір Сямашка канстатаваў, што кампенсацыя выдаткаў з-за падатковага манеўру — адна са складаных праблем у двухбаковых адносінах. «Пакуль мы не дамовімся па уніфікацыі падатковага заканадаўства, немагчыма будзе развязаць гэтае пытанне, — сказаў ён. — Таму там тэрміны некалькі ссунутыя яшчэ на адзін год. Пастаўлена задача, каб пытанні уніфікацыі падаткаабкладання былі вырашаны на працягу 2020-2021 гадоў і запрацавалі рэальна з 1 студзеня 2022 года. Пытанне поўнай кампенсацыі выдаткаў ад падатковага манеўру можа быць вырашана з 1 студзеня 2022 года, так і дамовіліся».

Аднак, адзначыў пасол, каб сітуацыя не заставалася ў бліжэйшыя два гады ў тым жа становішчы, што і цяпер, прэзідэнты знайшлі пэўныя развязкі, якія, хай і ў няпоўным аб’ёме, але ўсё ж дазволяць у некаторай ступені кампенсаваць страты беларускага боку ад падатковага манеўру. У прыватнасці, гэта тычыцца пытанняў цэнаўтварэння на нафту, выплаты прэміяльных расійскім кампаніям і г.д. «Тут развязкі ёсць, гэта дае ўжо пэўныя гарантыі, што наступны год нашы нафтаперапрацоўчыя заводы павінны прайсці бязбольна», — рэзюмаваў Уладзімір Сямашка.


Аб пастаўках беларускага харчавання ў Расію

Уладзімір Сямашка адзначыў, што на перамовах закраналася тэма правядзення ўзгодненай сельскагаспадарчай і прамысловай палітыкі, асабліва што тычыцца неабгрунтаваных, на думку беларускага боку, забаронаў на пастаўкі беларускіх прадуктаў харчавання ў Расію. Паводле яго слоў, яшчэ тыдзень таму дзейнічалі абмежаванні на пастаўкі парадку 60 малакаперапрацоўчых беларускіх прадпрыемстваў, каля 40 мясаперапрацоўчых прадпрыемстваў, больш за 10 птушкафабрык, а таксама прадпрыемстваў рыбаперапрацоўкі і па вытворчасці кармоў. «Знайшлі развязку, і адпаведна прэзідэнты далі даручэнне міністэрствам сельскай гаспадаркі Расіі і Беларусі, каб знойдзены кампрамісны варыянт аформілі і прапісалі ў дарожнай карце. Я лічу, гэта сур’ёзны зрух», — сказаў пасол.

Што тычыцца прамысловасці, то бакі прынцыпова вызначыліся з методыкай, пералікам дакументаў, якія выключаць дыскрымінацыю беларускіх прамвытворцаў на расійскім рынку. Паводле слоў пасла, прэзідэнты зрабілі адпаведныя даручэнні міністэрствам эканомікі і прамысловасці дзвюх краін, каб яны далажылі аб праведзенай працы праз два тыдні.


Узгоднены дарожныя карты па электраэнергетыцы і мытнай сферы

Фота: БЕЛТА

«6 снежня сустрэліся прэм’еры, заслухалі міністраў энергетыкі. Канстатавалі, што знайшлі развязку па дарожнай карце па электраэнергіі. Самае галоўнае, прэм’еры правялі рэвізію, што зроблена, што не зроблена, яны не ставілі задачу знайсці абсалютную развязку па пакінутых дарожных картах. Гэта ўжо рабілі прэзідэнты 7 снежня», - распавёў Уладзімір Сямашка.

«Можна канстатаваць, што перамовы прайшлі прадметна, у канструктыўным, добразычлівым духу, — адзначыў дыпламат.У выніку ўжо на сустрэчы прэзідэнтаў знайшлі складаную развязку па дарожнай карце супрацоўніцтва мытных службаў. Гэта было няпростае пытанне. Стаіць задача да 1 чэрвеня 2020 года адпрацаваць усю нарматыўную базу — і беларускую, і расійскую: там сотні заканадаўчых актаў, дзясяткі міжурдамоваў».

Пасол нагадаў, што па выніках папярэдняга раунда перамоў на ўзроўні прэм’ер-міністраў 19 лістапада былі ўзгодненыя праекты 21 дарожнай карты з 31. Такім чынам, застаюцца няўзгодненымі 8 дарожных карт, падсумаваў Уладзімір Сямашка.


Беларусь разлічвае на кампенсацыю ў $70 млн з-за паставак бруднай нафты

Фота: iotbusinessnews.com

Паводле слоў Уладзіміра Сямашкі, пытанне кампенсацыі закраналася на перамовах кіраўнікоў дзяржаў. «Мне падалося, што 6 чысла (на сустрэчы прэм’ер-міністраў. — Заўвага. БЕЛТА) знайшло вырашэнне гэтае пытанне, была згода і прэм’ера Расіі аб тым, што гэтак жа, напрыклад, як венгерская кампанія MOL адрэгулявала з «Транснафтай»: за кожны барэль бруднай нафты — кампенсацыя $15, — сказаў Уладзімір Сямашка. — Гэта б задаволіла і нас. Але ў суботу гэта ўжо неяк па-іншаму ўсё прагучала».

Пасол перакананы, што гэта пытанне цалкам вырашальнае. «Проста трэба ледзь выразней і больш прадметна спрацаваць «Белнафтахіму» з нашымі НПЗ. Трэба афіцыйна выставіць, як гэта належыць па закону, як гэта патрабуе юрыспрудэнцыя — выказаць свае прэтэнзіі, дакладна і зразумела. Падыходы могуць быць розныя, але калі ў Венгрыі ці Польшчы і Германіі гэтак жа зрабілі, то ў нас таксама павінна быць так зроблена. Там гаворка ідзе пра немалую суму — каля $70 млн павінна быць кампенсацыя», — адзначыў Уладзімір Сямашка.

«Можна і іншы падыход: абодва заводы працавалі напаўсілы, гэта страта выгады, страта прыбытку, можна адгэтуль палічыць. На наступным тыдні павінен прыехаць Рыбакоў (старшыня «Белнафтахіму». — Заўвага. БЕЛТА) з лімітава выверанымі юрыдычнымі дакументамі і выставіць гэтыя прэтэнзіі», — дадаў пасол.

Па матэрыялах БЕЛТА

Выбар рэдакцыі

Грамадства

Міністр аховы здароўя расказаў пра стан медыцыны ў краіне

Міністр аховы здароўя расказаў пра стан медыцыны ў краіне

У 2019 годзе медыцынскую дапамогу ў Беларусі аказвалі на належным узроўні.

Грамадства

У чым сутнасць вішынгу — аднаго з відаў махлярства

У чым сутнасць вішынгу — аднаго з відаў махлярства

З выкарыстаннем сацыяльнай інжынерыі. 

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.