Вы тут

У Столінскім раёне мужчына звязаў і ўтрымліваў знаёмых за адмову выпіць з ім гарэлкі


Крымінальная справа за незаконнае пазбаўленне волі распачата ў дачыненні да 24-гадовага жыхара вёскі Хатамель. У сярэдзіне кастрычніка мужчына залез у дом аднавяскоўкі, збіў яе сужыцеля, а затым абодвух звязаў і пакінуў ляжаць на падлозе, паведамілі ў МУС.


Пацярпелых выявіла суседка, якая зайшла ў госці і адразу ж выклікала міліцыю. Гаспадары распавялі, што ўжо спалі, калі пачулі, як нехта вырваў металічную клямку, на якую замыкаліся ўваходныя дзверы. Няпрошаным госцем апынуўся знаёмы, які шукаў кампанію выпіць з ім гарэлкі.

Пара адмовілася ладзіць застолле і папрасіла аднавяскоўца сысці. Замест гэтага сусед пачаў лаяцца, а затым збіў мужчыну, які спрабаваў яго выправадзіць. Гаспадыня хацела абараніць каханага, аднак у выніку абодва апынуліся на падлозе са звязанымі рукамі і нагамі. У якасці падручных сродкаў падазраваны выкарыстаў шторы і кавалак шпагату. Перад сыходам ён збіў звязанага мужчыну гумовым шлангам, які знайшоў у двары.

У той жа вечар сышчыкі знайшлі маладога чалавека. З яго слоў, на злачынства ён рашыўся з-за моцнага ап'янення і адмовы пацярпелых выпіць з ім.

Сяргей РАСОЛЬКА

Выбар рэдакцыі

Культура

Што паглядзець у Нацыянальным мастацкім музеі

Што паглядзець у Нацыянальным мастацкім музеі

Вiдавочна, што пакуль былi зачыненыя музеi, гледачы засумавалi па «жывой» сустрэчы з карцiнамi.

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.