У Беларусі пачалі павышаць кошт праезду ў гарадскім і прыгарадным транспарце

У Беларусі ў рэгіёнах пачалі павышаць кошт праезду ў гарадскім і прыгарадным грамадскім транспарце. Першым рэгіёнам, у якім паднялі кошт праезду, стала Брэсцкая вобласць. Змены прадугледжаныя рашэннем Брэсцкага аблвыканкама. Дакумент апублікаваны на Нацыянальным прававым партале. У бліжэйшы час кошт праезду мае падняцца і ў астатніх рэгіёнах.

Талончык на адну паездку на звычайных і хуткасных маршрутах у Брэсцкай вобласці падаражэе да 60 капеек, а на экспрэсных - да 70 капеек.

Пры гэтым гранічныя максімальныя тарыфы на прыгарадныя аўтамабільныя перавозкі пасажыраў у рэгулярных зносінах за адзін кіламетр праезду таксама вырастуць:

•     на звычайных маршрутах - 0,08 рубля (было - 0,07 рубля);
•     на хуткасных маршрутах - 0,1 рубля (было - 0,09 рубля);
•     на экспрэсных маршрутах - 0,11 рубля (было - 0,10 рубля);
•     на дадатковых рэйсах - 0,1 рубля (было - 0,09 рубля).

Калі змяненні набудуць моц, пакуль невядома.

Чакаецца, што ў бліжэйшы час павінна быць прынята рашэнне аб павышэнні кошту праезду ў гарадскім і прыгарадным транспарце і ў іншых рэгіёнах, а таксама ў Мінску.

Прэв'ю: busphoto.eu