Вы тут

Прэзідэнт распавёў, як правядзе навагоднія святы


Працоўная нагрузка будзе вялікай.


У той час як грамадзяне думаюць пра падарункі і карпаратывы на Каляды і Новы год, Прэзідэнт думае, як паспець вырашыць пытанні і не цягнуць іх у 2020-ы. Дакладней, сачыць, каб кіраўнік дзяржавы ўсё паспеў, прыйдзецца яго Адміністрацыі. Такую задачу Аляксандр Лукашэнка паставіў на сённяшняй нарадзе ў Палацы Незалежнасці.

Нагрузка будзе вялікай, папярэдзіў Прэзідэнт, бо наперадзе святы. Пачынаючы з дня каталіцкіх Каляд і ледзь не да 10 студзеня — суцэльныя мерапрыемствы, практычна кожны дзень з удзелам Прэзідэнта. А раніцай у тэлефоннай размове яшчэ і з прэм’ер-міністрам Расіі дамовіліся аб сустрэчы ў пераднавагоднія дні, бо трэба «зверыць гадзіннікі» па пытаннях, што тычацца ўрадаў. 

Усё гэта — не ўлічваючы яшчэ адну сустрэчу з Прэзідэнтам Расіі, якая таксама плануецца ў трэцяй дэкадзе снежня, каб канчаткова расставіць кропкі над «і» па найважнейшых пытаннях функцыянавання дзвюх дзяржаў. «А галоўнае — нашых эканомік», — дадаў Прэзідэнт.

Пытанні функцыянавання Адміністрацыі Прэзідэнта, кіраўніком якой на мінулым тыдні Аляксандр Лукашэнка назначыў Ігара Сергеенку, абмеркавалі дэталёва. Пачалася размова з віншаванняў экс-кіраўніка Адміністрацыі Наталлі Качанавай з нагоды яе выбрання старшынёй Савета Рэспублікі Нацыянальнага сходу Беларусі.

«Папрасіў бы вас не расслабляцца, таму што абавязкаў у вас і па папярэдніх службовых абавязках будзе больш чым дастаткова, я ўжо іх анансаваў (Наталля Качанава — упаўнаважаная па Мінску. — „ЗВ.“). Ну і Ігару Пятровічу трэба будзе дапамагаць у тым плане, каб ён хутчэй увайшоў у курс справы», — пажадаў Прэзідэнт

Варвара МАРОЗАВА

Фота БЕЛТА

Выбар рэдакцыі

Культура

Што паглядзець у Нацыянальным мастацкім музеі

Што паглядзець у Нацыянальным мастацкім музеі

Вiдавочна, што пакуль былi зачыненыя музеi, гледачы засумавалi па «жывой» сустрэчы з карцiнамi.

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.