Вы тут

У Беларусі абнавілі пералік экспертаў па ацэнцы паляўнічых трафеяў


Упершыню з 2012 года ў краіне адбылася працэдура прысваення звання эксперта па ацэнцы паляўнічых трафеяў. Пасведчанні Міністэрства лясной гаспадаркі атрымалі 66 чалавек, паведаміла прэс-служба ведамства.


Паўнамоцтвы на распрацоўку палажэння аб экспертах прадугледжаны Указам Прэзідэнта Рэспублікі Беларусь ад 21 сакавіка 2018 г. № 112, што, у сваю чаргу, дазволіла правесці адміністрацыйную працэдуру. Раней з-за рознагалоссяў, звязаных са спецыфікацыяй нарматыўных прававых актаў, званне эксперта не прысвойвалася.

Да нядаўнагя часу ацэнку трафеяў у краіне фактычна ажыццяўлялі шэсць чалавек. Разам з тым, імі штогод праводзілася такая работа ў дачыненні не менш за тысячу трафеяў. Пашырэнне пераліку экспертаў дазволіць зрабіць праходжанне працэдуры больш аператыўным.

Каб стаць экспертам па ацэнцы паляўнічых трафеяў, кандыдатам неабходна было прайсці адпаведнае навучанне, а таксама падаць дакументы на разгляд кваліфікацыйнай камісіі. Па выніках двух этапаў 66 спецыялістам (у асноўным, паляўніцтвазнаўцам) былі выдадзены пасведчанні другой катэгорыі, якія дазваляюць ацэньваць трафеі на тэрыторыі ўсёй краіны. Згодна з дзейным заканадаўствам, з часам эксперты змогуць павысіць сваю катэгорыю. Для гэтага неабходна будзе напрацаваць адпаведны вопыт.

Сяргей РАСОЛЬКА

Прэв'ю: 3mishki.by

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.