Прадстаўнікі 16 краін прымуць удзел у Х Мінскім міжнародным Калядным оперным форуме, паведаміў журналістам першы намеснік генеральнага дырэктара Вялікага тэатра Беларусі Уладзімір Рылатка, перадае БЕЛТА.
"Гэта самы галасісты форум з тых, якія былі. На сцэне пабываюць цудоўныя салісты з 16 краін свету. Столькі наша сцэна яшчэ не збірала", - сказаў Уладзімір Рылатка.
Паводле яго слоў, упершыню ўдзел у форуме прыме Нацыянальная опера Украіны, якая прывязе сваю новую пастаноўку - "Севільскі цырульнік". "Мне здаецца, гэта сустрэча будзе ўнікальнай. Нездарма ўсе білеты разляцеліся адразу", - адзначыў першы намеснік гендырэктара тэатра.
Уладзімір Рылатка падкрэсліў, што форум заваяваў папулярнасць не толькі ў беларускай, але і замежнай публікі. Прыедуць гледачы з 17 краін, у тым ліку Вялікабрытаніі, Швецыі, Францыі, Егіпта. "Людзі спецыяльна купляюць білеты, каб пабываць на форуме, значыць, ёсць што паглядзець, паслухаць. І, вядома, любяць ездзіць у Беларусь, таму што ў нас вельмі ветлая краіна", - дадаў ён.
X Мінскі міжнародны Калядны оперны форум пройдзе з 12 па 18 снежня.
Яго адкрые прэм'ера гэтага сезона - опера Аляксандра Барадзіна "Князь Ігар". У заключны вечар маштабнага опернага фестывалю ў Вялікім тэатры Беларусі адбудзецца гала-канцэрт зорак сусветнай оперы.
Прэв'ю: bsmu.by
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
