Падзеі разгарнуліся на тэрыторыі пустуючага прысядзібнага ўчастка, размешчанага ў цэнтры сталіцы. Пільныя суседзі заўважылі невядомых грамадзян, якія кружылі па ім з каляскай, пра што і паведамілі ўласніку прыватнага дома.
Ён прыбыў па званку і выявіў, што зніклі капот і глушыцель, якія прызначаліся для яго аўтамабіля. З просьбай аб аказанні дапамогі ў вяртанні выкрадзенай маёмасці мужчына неадкладна звярнуўся да праваахоўнікаў Цэнтральнага РУУС г. Мінска.
У ходзе аператыўна-вышуковых мерапрыемстваў сышчыкі ўстанавілі, што крадзеж здзейснілі 66-гадовая мінчанка разам са сваім 47-гадовым сынам. Яны распавялі, што аўтазапчасткі здалі ў пункт перапрацоўкі другаснай сыравіны, а атрыманыя грашовыя сродкі выдаткавалі на ўласныя патрэбы.
Цяпер крымінальнаму тандэму трэба будзе пакрыць шкоду на суму каля 800 рублёў, паведамілі ў ГУУС Мінгарвыканкама. Дарэчы, вядома, што раней 47-гадовы мужчына прыцягваўся да крымінальнай адказнасці за ўчыненне аналагічных дзеянняў.
Сяргей РАСОЛЬКА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.