Крымінальная справа распачата ў дачыненні да 32-гадовага кухарара, жыхара горада. Мужчына падманваў патэнцыйных арандатараў: знаходзіў у інтэрнэце кліентаў і браў у іх перадаплату, але з абавязковай умовай - засяліцца ў кватэру можна будзе толькі праз месяц.
Пацярпелыя верылі ў гісторыю аб хуткім ад'ездзе за мяжу і ў магчымасць зняць жыллё на працяглы тэрмін. Для большай пераканаўчасці падчас здзелкі падазраваны перадаваў кліентам загадзя вырабленыя дублікаты ключоў ад кватэры.
Аднак той не збіраўся ехаць за мяжу і здаваць нерухомасць. Пазней высветлілася, што ён родам са Слуцка і сам жыў у арэндным жыллё, якое і прапаноўваў іншым.
У выніку кліенты не засяліліся у абяцаны тэрмін і запатрабавалі вярнуць грошы. Аддаваць доўг было няма чым, таму, каб пазбегнуць непрыемнасцяў, мужчына з'явіўся з павіннай у праваахоўныя органы, паведамілі ў МУС.
Сышчыкі ўстанавілі восем пацярпелых. Ім нанесены ўрон на агульную суму звыш двух тысяч долараў. Усе грошы падазраваны выдаткаваў у ігральных установах. Вядома, што раней мужчына прыцягваўся да крымінальнай адказнасці за крадзеж шляхам выкарыстання кам’ютарнай тэхнікі.
Сяргей РАСОЛЬКА
Прэв'ю: finance.bigmir.net
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
