Вы тут

Выйшаў першы беларускамоўны падкаст для падлеткаў «Першыя»


У інтэрнэт-прасторы выйшаў першы беларускамоўны падкаст для падлеткаў «Першыя». Яго стваральнікі прапануюць школьнікам цікавы інфармацыйна-адукацыйны кантэнт, які можа дапамагчы атрымаць дадатковыя веды ад аўтарытэтных экспертаў: лекцыі, гутаркі, інтэрв'ю, майстар-класы ў аўдыяфармаце.


Запланавана адмысловая серыя такіх выпускаў. Працягласць кожнага запісу — каля 20 хвілін. За гэты час прафесіяналы з розных сфер дзейнасці ў гутарцы з вядучым падкаста Дзмітрыем Смірновым на ўласным прыкладзе раскажуць пра тое, наколькі важна валодаць прамоўніцкім майстэрствам, каб увасобіць у жыццё свае ідэі. У якасці гасцей будуць запрашацца цікавыя асобы — вядомыя спецыялісты ў галінах экалогіі, культуры, інклюзіі, тэхналогій і майстэрства красамоўства.

У першым падкасце Ірына Дубовік — CEO, Project Marketіng, саветнік па развіцці бізнесу Іntetіcs, сузаснавальніца акселератара StartUpON — расказвае, як пераадолець страх публічных выступленняў, данесці сваю задуму да аўдыторыі і захапіць слухачоў, якіх памылак варта пазбягаць і як рэагаваць на пытанні з залы.

Беларускамоўны падкаст для падлеткаў выйшаў у рамках сацыяльна-адукацыйнага праекта «Першыя», які рэалізуецца кампаніяй А1 пры падтрымцы арганізатараў канферэнцый TEDxMіnsk. Конкурс удзельнікаў стартаваў у кастрычніку.

— Сучасныя дзеці любяць тэхналогіі, любяць выступаць і дыскутаваць, — расказвае аб праекце «Першыя» спецыяліст групы па карпаратыўнай сацыяльнай адказнасці кампаніі А1 Кацярына СЕВАСЦ'ЯНЧУК. — Мы разумелі, што недастаткова будзе зрабіць праект, у якім ёсць толькі лекцыі і выступленні ў школе. Нам хацелася вывесці нашых удзельнікаў на шырокую аўдыторыю, каб яны пастаялі ў «чырвоным крузе» і адчулі, як гэта — быць валанцёрам руху TEDx. Мы разумеем, што ўдзельнікі нашага праекта недасканала валодаюць беларускай мовай, таму заяўкі прымаем і на рускай мове. Але ўдзельнікаў выніковай канферэнцыі будзем рыхтаваць да выступлення на беларускай.

Кожны ўдзельнік конкурсу на працягу навучальнага года распрацоўвае сваю ідэю ў адным з чатырох кірункаў — экалогія, культура, інклюзія ці тэхналогіі. Патрабаванне да конкурсных прапаноў толькі адно — яны мусяць змяняць навакольны свет і жыццё да лепшага. Для ўдзелу ў фінале будуць адабраныя дзесяць старшакласнікаў.

Наталля ТАЛІВІНСКАЯ

Прэв'ю: kasperskydaily.com

Загаловак у газеце: «Лічбавае» пакаленне загаворыць па-беларуску

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.