12 снежня раніцай у Смаргонскі раённы аддзел па НС паступіла паведамленне аб пажары ў вёсцы Жодзішкі. Паводле папярэдняй інфармацыі ў псіхадыспансеры адбылося загаранне тэлевізара ў фае на другім паверсе, гаворыцца на сайце МНС Беларусі.
Падраздзяленні МНС неадкладна накіраваліся на вуліцу Першамайскую. Шчыльны дым запоўніў калідор і памяшканні медустановы. Яшчэ да прыбыцця ратавальнікаў работнікі эвакуіравалі 51 пацыента. Ратавальнікі знайшлі загінулым 66-гадовага пацыента. Супрацоўнікі МНС выратавалі пенсіянерку 1939 года нараджэння. Пазней жанчына памерла.
Ратавальнікам удалося не дапусціць распаўсюджвання пажару за межы фае.
Пацыентаў часова размясцілі ў суседнім будынку. Абставіны здарэння вывучаюцца следча-аператыўнай групай.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
