Вы тут

Паслухаць "Музыку дабра" можна будзе ў Магілёве з 26 снежня


У цэнтральным універмагу Магілёва пройдуць дабрачынныя канцэрты з удзелам юных музыкантаў Магілёўскай гімназіі-каледжа мастацтваў, піша БЕЛТА са спасылкай на метадыста гімназіі-каледжа Таццяну Шлягер.


"Музыка дабра" - гэта валанцёрскі атрад гімназіі-каледжа. Навучэнцы арганізуюць дабрачынныя выступленні, каб сабраць сродкі для здзяйснення дзіцячых жаданняў. Дзякуючы такім канцэртам у 2018 годзе яны змаглі спраўдзіць мару Лёшы Хрысцічэнкі, вучня Асіповіцкай школы-інтэрната для дзяцей з парушэннямі функцый апорна-рухальнага апарату - хлопчыку падарылі ноўтбук.

"У гэтым годзе ў канцэртных праграмах будуць удзельнічаць больш за 20 чалавек. Але пройдуць не толькі канцэрты. Валанцёры "Музыкі дабра" будуць працаваць з наведвальнікамі ўнівермага "Цэнтральны" - раздаваць флаеры, расказваць, чыю мару яны змогуць здзейсніць напярэдадні Новага года. Канцэрты будуць праходзіць з 26 па 30 снежня", - адзначыла Таццяна Шлягер.

У Цэнтральным універмагу Магілёва будуць выступаць лаўрэаты і ўдзельнікі міжнародных і рэспубліканскіх конкурсаў. "Галоўная мэта такіх выступленняў - сабраць грошы, каб здзейсніць у навагоднія святы жаданні цяжкахворых дзяцей. Гэта добрая традыцыя зарадзілася ў 2018 годзе. Тады за чатыры дні канцэртаў мы змаглі сабраць больш за Br2 тыс. - падзялілася Таццяна Шлягер. - Такога ніхто не чакаў. Дзеці былі вельмі рады, што іх ініцыятыву падтрымала не толькі кіраўніцтва ўнівермага, дзе праходзілі канцэрты, але і магіляўчане. У гэтым годзе дзеці ўжо са жніўня цікавіліся, каму мы будзем дапамагаць на гэты раз".

У першы дзень, 26 снежня, канцэрт пройдзе ў 12.15. А 27 снежня выступленне юных музыкантаў адбудзецца ў 16.19. Паводле слоў Таццяны Шлягер, гэта зроблена для таго, каб вызначыць, калі людзі найбольш адкрытыя для дапамогі іншым. Пасля будзе вырашана, у які час пройдуць астатнія канцэрты.

Прэв'ю: culture.ru

Выбар рэдакцыі

Культура

Што паглядзець у Нацыянальным мастацкім музеі

Што паглядзець у Нацыянальным мастацкім музеі

Вiдавочна, што пакуль былi зачыненыя музеi, гледачы засумавалi па «жывой» сустрэчы з карцiнамi.

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.