Вы тут

Двухдзённы Фестываль інтэлектуальных гульняў “ТрЭК-13” стартуе 14 снежня ў БДУ


Мерапрыемства накіравана на папулярызацыю інтэлектуальнага спорту і падтрымку адораных школьнікаў.


Як распавялі ў прэс-службе ўніверсітэта, у спаборніцтвах прымуць удзел каля 250 навучэнцаў у складзе 41 каманды з 14 гарадоў Беларусі. Ліцэй БДУ прадставяць шэсць зборных.

Праграма фестывалю ўключае Чэмпіянат Беларусі па інтэлектуальных гульнях “Тройка” і “Эрудыт-квартэт”. У першым спаборніцтве выступаюць каманды ў складзе трох чалавек. Адзін з іх выконвае функцыю “карэнніка” — ён падае сігнал аб гатоўнасці каманды адказваць на пытанне. Два іншых іграка называюцца “прыпражныя”. Іх задача — даць правільны адказ, не раячыся са сваім капітанам.

“Эрудыт-квартэт” заснаваны на спартыўным варыянце “Сваёй гульні”. У кожным розыгрышы выступае адзін прадстаўнік каманды. Асаблівасць спаборніцтвы заключаецца ў паслядоўнасці раўндаў: “адкрыты”, “паўзакрыты” і “закрыты”. У першым тэма абвяшчаецца за паўхвіліны да пачатку гульні, у другім — непасрэдна перад розыгрышам. На трэцім этапе тэмы загадзя не называюцца.

Працягнуцца спаборніцтвы традыцыйным турнірам “Што? Дзе? Калі?”. У рамках трох тураў навучэнцам трэба будзе адказаць на 45 пытанняў.

Па выніках набраных балаў у трох гульнях вызначыцца ўладальнік Кубка фестывалю.

Арганізатарам фестывалю выступае БДУ пры падтрымцы Беларускай лігі інтэлектуальных каманд.

Дадатковую інфармацыю можна знайсці ў групе ў “УКантакце” (https://vk.com/trek_13).

Сяргей РАСОЛЬКА

Прэв'ю: vk.com/trek_13

Выбар рэдакцыі

Грамадства

Больш за 100 прадпрыемстваў прапанавалі вакансіі ў сталіцы

Больш за 100 прадпрыемстваў прапанавалі вакансіі ў сталіцы

А разам з імі навучанне, сацпакет і нават жыллё.

Эканоміка

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Беларусь — адзін з сусветных лідараў у галіне здабычы і глыбокай перапрацоўкі торфу.

Грамадства

Адкрылася турыстычная выстава-кірмаш «Адпачынак-2024»

Адкрылася турыстычная выстава-кірмаш «Адпачынак-2024»

«Мы зацікаўлены, каб да нас прыязджалі».