Спявак і тэлевядучы Георгій Калдун стаў адным з чатырох фіналістаў 10 сезону ўкраінскай версіі аднаго з самых папулярных музычных праектаў свеце – тэлеконкурсу для выканаўцаў і гуртоў X Factor.
Па выніках трох прамых эфіраў талент-шоу беларус, які выступае ў катэгорыі "30+" у камандзе эпатажнай спявачкі Вольгі Паляковай, заваяваў сімпатыі суддзяў і гледачоў. У апошнім, фінальным этапе праекту, які адбудзецца 21 снежня, Георгій Калдун пазмагаецца за перамогу з Элінай Івашчанкай і Марыяй Стопнік (катэгорыя "Дзяўчаты") і Антонам Вельбой (катэгорыя "Хлопцы"). Акрамя таго, да 10-годдзя праекту тэлеканал СТБ запусціў "народную прэмію", у межах якой прапанаваў гледачам вызначыць суддзяў, выканаўцаў і гледачоў за ўсе сезоны.
Нагадаем, беларускія артысты шмат разоў удзельнічалі ў мінулых сезонах украінскага шоу X Factor. Найвялікшае на дадзены момант дасягненне нашых артыстаў – выхад Яўгена Літвінковіча з Жодзіна ў суперфінал 3 сезону праекту (2013 год), пасля чаго спявак працягвае музычную кар'еру ва Украіне, дзе штогод дае каля сотні канцэртаў.
Вікторыя ЦЕЛЯШУК
Фота: instagram.com/geokoldun
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
