Вы тут

Першы снег — назаўжды


Было гэта амаль семсот гадоў таму. Вялікі князь Гедымін загадаў пабудаваць замак, ды такі, каб на шляху ворагаў неадольнай сцяной стаяў, надзейна бараніў і гаспадароў, і просты люд. Больш за два дзясяткі тысяч кубаметраў бутавага камення ды паўтара мільёна цаглін паклалі майстры ў магутныя сцены і вежы бліз балоцістых берагоў дзвюх рачулак. Праз некалькі гадоў, калі ўсё было гатова, заўважылі людзі, што найбольш прыгожа выглядае замак у дзень першага снегу. У гэты дзень прырода дадае пяшчотную белую фарбу да суровага колеру шэрых камянёў і распаленага чырвонага колеру цаглін.


Такой прыгажосцю можна любавацца і ў наш час. Зведаўшы розных уладальнікаў, перажыўшы разбурэнні і знявагу, адноўлены замак зноў цешыць вочы, а вакол яго красуецца старажытны горад Ліда. Сёлета першы снег упершыню лёг на плечы князю Гедыміну — помніку, які ўсталявалі тут тры месяцы таму.

Няхай не пакрыўдзяцца жыхары Ліды, што толькі некалькімі фотаздымкамі паказваю я прышэсце першага снегу — у горадзе вы ўбачыце шмат прыгожых месцаў у любы дзень. Але ж у першы снег...

Я не веру, што снег растае і знікае бясследна,

Як знікаюць пустыні, азёры, лясы, гарады.

Могуць знікнуць калісьці раптоўна ўсе зоркі сусвету,

Але першага снегу сляды — ва ўспамінах заўжды.

 

Снег даўнейшых часоў бачу я каля замкавай вежы,

Гедымінавы коні капыцяць асцюжаны дол,

Пралятаюць чароды стагоддзяў і зноў першаснежыць,

І прышэсця зімы стары замак чакае ізноў...

 

Ля аснежанай брамы спачылі начныя дазоры,

Першы снег — нібы першы акорд у зімовы мінор.

Першы снег, як заўжды, дорыць гораду срэбныя ўборы

І няўрымслівым птахам на зялёны ляціць святлафор.

Яўген ПЯСЕЦКІ

Фота аўтара

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.