Вы тут

​Каб стрымаць імклівае пацяпленне на планеце, трэба кардынальна перабудаваць свой лад жыцця


З 2 да 13 снежня ў Мадрыдзе праходзіла 25-я Канферэнцыя бакоў Рамачнай Канвенцыі ААН аб змяненні клімату (COP25). У ёй бралі ўдзел каля 20 тыс. чалавек — як простыя актывісты-эколагі, так і кіраўнікі дзяржаў і ўрадаў. Удзельнікі канферэнцыі абмяркоўвалі меры, якія дазволяць як мага хутчэй скараціць забруджванне наваколля і стрымаць пацяпленне клімату. Што робіцца ў гэтым кірунку ў Беларусі?


Нягледзячы на меры, якія прымаюцца ў розных краінах свету, наша планета працягвае награвацца. Паводле даных ААН, яе тэмпература ўжо на 1,1 оС вышэй, чым у пачатку прамысловай рэвалюцыі. Калі гэта тэндэнцыя працягнецца, то сярэдняя тэмпература да канца стагоддзя можа павысіцца яшчэ на 3,4—3,9 градуса, што прывядзе да катастрафічных наступстваў. Ужо сёння растаюць ільды ў Арктыцы і Антарктыцы, пачасціліся лясныя пажары, засухі, ураганы і паводкі. Не абыходзіць гэта праблема і Беларусь. Як адзначаюць спецыялісты, за апошнія 30 гадоў сярэднегадавая тэмпература ў нашай краіне вырасла на 1,3 градуса.

Падчас выступлення на сегменце высокага ўзроўню міністр прыродных рэсурсаў і аховы навакольнага асяроддзя Андрэй ХУДЫК, які ўзначаліў беларускую дэлегацыю на COP25, адзначыў прыхільнасць Рэспублікі Беларусь да ўстойлівага развіцця, якое немагчыма без рашэння праблемы змены клімату. Менавіта таму гэтыя пытанні актыўна і ўсвядомлена вылучаюцца кіраўніком дзяржавы і ўрадам нашай краіны ў асобны парадак дня.

— Разумеючы безумоўную важнасць кліматычных дзеянняў, Рэспубліка Беларусь адказна паставілася да закліку ўзмацніць амбіцыі ў гэтым кірунку і мае намер павялічыць свае нацыянальныя абавязацельствы па скарачэнні выкідаў парніковых газаў да 2030 года не менш чым на 35 % у параўнанні з 1990 годам выключна за кошт уласных рэсурсаў, — адзначыў Андрэй Худык.

Па словах міністра, у развіццё нацыянальнага Плана мерапрыемстваў па рэалізацыі Парыжскага пагаднення наша краіна прымае не толькі ўстойлівыя дзеянні па зніжэнні выкідаў парніковых газаў, але таксама меры па адаптацыі і павелічэнні паглынання парніковых газаў, сумесная рэалізацыя якіх спрыяе істотнаму зніжэнню ўзроўняў рызык, звязаных са зменай клімату.

У якасці прыярытэтных мер у нашай краіне разглядаюцца пераход да эканомікі замкнутага цыкла, якая ўключае фарміраванне ўстойлівай гарадской мабільнасці, будаўніцтва энергаэфектыўных жылых дамоў, зніжэнне энергаёмістасці валавога ўнутранага прадукту, укараненне ў эканоміку нізкавугляродных і энергаэфектыўных тэхналогій і матэрыялаў, развіццё электратранспарту. Прымаюцца меры па далейшым павелічэнні лясістасці тэрыторыі краіны, захаванні водна-балотных угоддзяў, развіцці асабліва ахоўных прыродных тэрыторый.

— Аднак неабходна прымаць да ўвагі, што добрасумленнае выкананне Беларуссю павышаных абавязацельстваў, узятых на сябе ў рамках рэалізацыі Парыжскага пагаднення, з'яўляецца недастатковым для пераадолення з'яў, выкліканых зменай клімату ў рэгіянальным і глабальным маштабе. Неабходна кансалідацыя намаганняў усіх дзяржаў, а таксама справядлівае размеркаванне тэхнічнай і экспертнай дапамогі тым краінам, якія здольныя прымаць максімальна эфектыўныя меры ў сферы барацьбы са зменай клімату, — рэзюмаваў міністр.

На палях СОР25 Андрэй Худык таксама правёў шэраг двухбаковых сустрэч з кіраўнікамі дэлегацый краін-удзельніц, а таксама прадстаўнікамі міжнародных арганізацый па пытаннях развіцця супрацоўніцтва ў сферы аховы навакольнага асяроддзя і павелічэння аб'ёмаў сродкаў міжнароднай тэхнічнай дапамогі, якія прыцягваюцца для рашэння прыродаахоўных праблем у Беларусі.

Вераніка КОЛАСАВА

Фота прэс-службы Мінпрыроды

Загаловак у газеце: Час дзейнічаць

Выбар рэдакцыі

Грамадства

Псiхолаг тлумачыць, чаму паўза пасля заканчэння школы — не трагедыя

Псiхолаг тлумачыць, чаму паўза пасля заканчэння школы — не трагедыя

Педагогi, як i бацькi, павiнны быць уважлiвыя да любой праявы адоранасцi.

Эканоміка

Як вылечыць эканомiку ад каранакрызiсу?

Як вылечыць эканомiку ад каранакрызiсу?

Нягледзячы на тое што сучасны свет перажываў досыць шмат эканамiчных крызiсаў, той, што разгортваецца ў 2020 годзе, — унiкальны. 

Грамадства

Маладая актрыса Iрына Якавец: Нецiкавых роляў не iснуе

Маладая актрыса Iрына Якавец: Нецiкавых роляў не iснуе

Першым спектаклем, у якiм я ўзяла ўдзел, быў «Вясёлы Роджэр».

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт.