Вы тут

У музеі замкавага комплексу «Мір» стартуе выстака «Аб'ядноўваючы прастору і час»


20 снежня ў музеі замкавага комплексу «Мір» возьме старт міжнародны выставачны праект «Аб'ядноўваючы прастору і час», на якім будуць прадстаўленыя ўнікальныя гістарычныя карты ХVІ—ХVІІІ стагоддзяў, дзе адлюстраваныя беларускія землі таго часу. Праект стаў вынікам супрацоўніцтва музея Мірскага замка, Нацыянальнага музея старых картаў і кніг (Румынія), гісторыка-культурнага музея-запаведніка «Нясвіж», Нацыянальнага гістарычнага музея Беларусі, цэнтральнай навуковай бібліятэкі імя Я. Коласа НАН Беларусі і калекцыянера, дызайнера ды рэстаўратара Ігара Сурмачэўскага.


На выстаўцы, расказалі «Звяздзе» ў аддзеле ўліку і захавання фондаў музея замкавага комплексу ў Міры, сабраныя рэдкія гістарычныя дакументы і іх копіі: карты работы славутых галандскіх, французскіх і нямецкіх майстроў Пітэра Шэнка, Міціаса Шутэра, Нікаля Сансона, Петруса Берціуса ды іншых. Як змяняліся з часам межы навакольных дзяржаў, куды рухаліся тыя ці іншыя ваенныя паходы і дзе ў выніку заключаліся мірныя дамовы, як наогул пашыраліся геаграфічныя веды — адказы на ўсе гэтыя пытанні можна атрымаць з дапамогай картаў.

«Асаблівай увагі заслугоўвае карта Вялікага Княства Літоўскага 1631—1650 гадоў, якая на працягу наступных двух стагоддзяў заставалася недасягальным узорам на тэрыторыі Рэчы Паспалітай — як па ўзроўні афармлення, так і па аб'ёме інфармацыі, змешчанай на ёй, — анансуюць адну з цікавінак экспазіцыі супрацоўнікі музея. — Гэту карту, якая цяпер захоўваецца ў фондах нашага музея, стварыў вядомы гравёр Томаш Макоўскі на замову князя Мікалая Хрыстафора Радзівіла Сіроткі. Дарэчы, партрэт самога фундатара можна будзе таксама ўбачыць на выстаўцы — на старонках кнігі «Перэгрынацыя, альбо Паломніцтва князя Мікалая Хрыстафора Радзівіла ў Святую Зямлю», датаванай 1683 годам».

Выстаўка працягне сваю работу да канца сакавіка 2020 года, а трапіць на яе можа кожны наведвальнік музея замкавага комплексу «Мір» — па квітку ў музей.

Вікторыя ЗАХАРАВА

Прэв'ю: fotex.biz

Загаловак у газеце: Час і прастору спалучаць у Мірскім замку

Выбар рэдакцыі

Грамадства

Настаўнік года Вадзім Лосеў: Са школы павінны выходзіць шчаслівыя людзі

Настаўнік года Вадзім Лосеў: Са школы павінны выходзіць шчаслівыя людзі

«Я хацеў бы, каб у гэтай зале і ў гэтым свеце ніхто і ніколі не ставіў пад сумненне ўпэўненасць у сабе».

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.