Вы тут

Прагноз надвор'я на выхадныя


Другая палова снежня сёлета пачалася з анамальнага цяпла, калі ўмовы надвор'я хутчэй нагадваюць раннюю вясну. У заходніх рэгіёнах на ўсю моц зелянее каранёвая сезонная пятрушка, пачынае «прачынацца» зімовы часнок...


Самым цёплым днём на гэтым тыдні стала серада, калі практычна на ўсёй тэрыторыі краіны былі абноўленыя тэмпературныя рэкорды дня. І віной таму атлантычныя цыклоны, якія, рухаючыся па поўначы Еўропы, працягваюць пастаўляць вельмі цёплае і вільготнае паветра. У найбліжэйшыя дні захаваецца цёплае надвор'е, але ў нядзелю атмасферныя франты прынясуць дажджы, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Заўтра ўдзень мы адчуем уплыў цёплых няўстойлівых паветраных мас, якія паступаюць да нас з поўдня Еўропы. Месцамі пройдуць кароткачасовыя ападкі, у асноўным дождж. У асобных раёнах будзе слабы туман, уначы і раніцай па паўночным усходзе слабы галалёд. Тэмпература паветра днём будзе ад плюс 2 градусаў да 8 цяпла, па паўднёвым захадзе краіны прыгрэе да плюс 10.

У нядзелю чакаецца менш камфортнае надвор'е. Але гэта звязана з ападкамі, а не з цяплом. Раніцай 22 снежня на надвор'е ў краіне будзе ўплываць атмасферны фронт, які перамяшчаецца да нас з паўднёвага захаду Еўропы. На большай частцы тэрыторыі Беларусі пройдуць кароткачасовыя дажджы. Уначы і раніцай месцамі слабы туман. Тэмпература паветра ўначы чакаецца ад нуля да плюс 7 градусаў, удзень ад плюс 3 градусаў да 10 цяпла.

Сяргей КУРКАЧ

Фота БелТА

Загаловак у газеце: Пакуль без снегу наогул

Выбар рэдакцыі

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў. 

Грамадства

Як працуюць маладыя спецыялісты ў Гарадоцкім раёне

Як працуюць маладыя спецыялісты ў Гарадоцкім раёне

Райцэнтр Гарадок знаходзіцца прыкладна за трыццаць кіламетраў ад Віцебска, недалёка — мяжа з Расіяй. Як там сёння з кадравым пытаннем?

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.