Вы тут

Сяргей Румас уручыў навагоднія падарункі выхаванцам мінскага дзіцячага дома № 7


Прэм'ер-міністр Сяргей РУМАС падчас рэспубліканскай дабрачыннай акцыі ўручыў навагоднія падарункі выхаванцам дзіцячага дома № 7 горада Мінска. Кіраўнік урада павіншаваў выхаванцаў і педагогаў з надыходзячым 2020 годам і пажадаў усяго самага добрага, светлага і радаснага.


Фота БелТА.

— Мне вельмі прыемна знаходзіцца тут і бачыць, як малыя падраслі. Вы ведаеце, што па даручэнні нашага Прэзідэнта ўсе чыноўнікі і начальнікі робяць усё для таго, каб напярэдадні Новага года дзеці краіны адчулі паўнату гэтага свята.

Сяргей Румас выказаў надзею, што адыходзячы год быў для дзяцей шчаслівы, і пажадаў, каб усе праблемы сышлі ў нябыт. Асобныя словы падзякі і пажаданні здароўя Сяргей Румас адрасаваў педагогам дзіцячага дома.

— Я хачу, каб заўсёды памяталі: вялікую ролю ў тым, каб гэты год быў добрым, адыгралі выкладчыкі і выхавацелі, якія ўвесь час былі побач з вамі. Я шчыра віншую з надыходзячым святам і жадаю, каб Новы год прынёс толькі радасць і, вядома ж, ажыццяўленне тых патаемных жаданняў, якія ў вас ёсць.

Падчас навагодняга ранішніка прэм'ер-міністр вадзіў з дзецьмі карагод, праходзіў праз «чароўныя вароты», слухаў вершы і песні ў выкананні выхаванцаў дзіцячага дома. Потым кіраўнік урада ўручыў дзецям салодкія падарункі і сертыфікат на сем планшэтных камп'ютараў. Пры гэтым ён нагадаў малым, каб яны не забываліся пра меру падчас гульні на планшэтах, а лепш выкарыстоўвалі іх для навучання.

Пасля святочнага канцэрта прэм'ер-міністр накіраваўся папіць гарбаты разам з дзецьмі і выхавацелямі дзіцячага дома. Дзеці падарылі Сяргею Румасу мастацкую кампазіцыю на тэму Новага года, зробленую ўласнымі рукамі. Іх цікавіла, як дамагчыся поспехаў у працы, як прэм'ер-міністр адзначае Новы год і як адпачывае.

Сталічны дзіцячы дом № 7 для дзяцей-сірот і дзяцей, якія засталіся без апекі бацькоў, пачаў сваю работу ў 2000 годзе, і на сёння ў ім выхоўваецца 72 дзіцяці. Малыя жывуць у сямі кватэрах, якія аб'яднаны комплексам сацыяльна-бытавых памяшканняў: блокам харчавання, пральняй, медыцынскім блокам, бібліятэкай, трэнажорнай і камп'ютарнай заламі. Адным з прыярытэтных кірункаў у рабоце дзіцячага дома з'яўляецца перадача дзяцей у сем'і.

Наталля ТАЛІВІНСКАЯ

Загаловак у газеце: Свята павінна быць ва ўсіх

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Грамадства

Санны рэйд. Як партызаны здзейснілі пераможную аперацыю на Палессі ў 1942-м

Санны рэйд. Як партызаны здзейснілі пераможную аперацыю на Палессі ў 1942-м

Сёлетняя зіма на снег, скажам прама, зусім небагатая. Але ў лютым і сакавіку 1942 года, калі пра глабальнае пацяпленне ніхто і не чуў, снегу было вельмі шмат.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.