Вы тут

Для дзяцей на зімовых канікулах падрыхтаваны разнастайныя мерапрыемствы


З 26 снежня да 11 студзеня пройдуць школьныя зімовыя канікулы — самыя працяглыя ў бягучым навучальным годзе. Для дзяцей у гэты перыяд падрыхтаваны разнастайныя мерапрыемствы.


— Будзе арганізавана работа аздараўленчых школьных лагераў. Большасць з іх — з дзённым знаходжаннем, там адпачне каля 70 тысяч вучняў, — расказала кансультант галоўнага ўпраўлення выхаваўчай работы і маладзёжнай палітыкі Міністэрства адукацыі Ларыса ЕМЯЛЬЯНЧЫК. — Такая форма адпачынку запатрабаваная, бо бацькі ўпэўненыя, што дзеці будуць знаходзіцца пад кантролем і іх вольны час зробяць цікавым і змястоўным. Канікулы — гэта і спрыяльны час для правядзення фізкультурна-аздараўленчых і спартыўных мерапрыемстваў, таму работа спартзалаў, стадыёнаў павінна быць забяспечана ў кожнай установе адукацыі.

Асноўная задача для педагагічных калектываў усіх школ краіны — стварэнне карыснага і бяспечнага адпачынку для вучняў. Метадыст упраўлення сацыяльнай і выхаваўчай работы Акадэміі паслядыпломнай адукацыі Алена МІХАЛЕВІЧ адзначыла, што асаблівая ўвага будзе аддавацца дзецям, якія знаходзяцца ў складаным сацыяльным становішчы і маюць патрэбу ў індывідуальным прафілактычным падыходзе.

— Дні зімовых канікул супадаюць са многімі святамі, якія могуць прынесці не толькі радасць, але і, напрыклад, траўмы. Таму ўжо зараз ва ўстановах сярэдняй адукацыі праводзяцца бацькоўскія сходы, размовы з дзецьмі з удзелам спецыялістаў розных структур аб правілах паводзін на лёдзе, на чыгуначных і аўтамабільных дарогах, важнасці выкарыстання ў цёмны час флікераў і іншае. Да таго ж зімовыя канікулы — найбольш спрыяльны час для дзяцей і падлеткаў, каб звярнуцца ў Рэспубліканскі цэнтр псіхалагічнай дапамогі, створаны на базе Інстытута псіхалогіі Беларускага педагагічнага ўніверсітэта імя М. Танка, калі гэта патрэбна. Там чакаюць як дзяцей, так і іх бацькоў, — акцэнтуе ўвагу Алена Міхалевіч.

Зімовыя канікулы для дзяцей — гэта і час забаўляльных мерапрыемстваў, навагодніх ранішнікаў для малых і вечароў для старшакласнікаў. Аб іх расказала намеснік дырэктара Нацыянальнага цэнтра мастацкай творчасці дзяцей і моладзі Ларыса ІСАЧКІНА.

— Да 9 студзеня будзе доўжыцца навагодняя дабрачынная акцыя «Нашы дзеці», якая ўжо каторы год праводзіцца па ініцыятыве Прэзідэнта. Падчас яе кіраўнікі рэспубліканскіх органаў дзяржаўнага кіравання, мясцовых выканаўчых і распарадчых органаў, а таксама грамадскія аб'яднанні наведаюць інтэрнаты і дамы сямейнага тыпу, апякунскія і прыёмныя сем'і, сем'і, якія выхоўваюць дзяцей-інвалідаў, цэнтры карэкцыйна-развіццёвага навучання і рэабілітацыі, бальніцы, каб павіншаваць дзяцей з Новым годам і Калядамі. Цэнтральная падзея акцыі — навагодняе свята ў Палацы Рэспублікі, што адбудзецца 27 снежня. У ім возьмуць удзел больш за дзве тысячы дзяцей: гэта пераможцы алімпіяд, творчых конкурсаў, конкурсаў прафесійнага майстэрства і спартыўных спаборніцтваў; выхаванцы кадэцкіх вучылішчаў, спецыялізаваных ліцэяў, тыя, хто дасягнуў поспехаў у грамадскай рабоце; дзеці-сіроты і дзеці, якія засталіся без апекі бацькоў; дзеці-інваліды, дзеці з шматдзетных і малазабяспечаных сем'яў і іншыя, — адзначыла спікер.

Ларыса Ісачкіна дадала, што з 26 снежня да 11 студзеня ў Нацыянальным цэнтры мастацкай творчасці дзяцей і моладзі будзе працаваць Рэспубліканская выстаўка-конкурс дэкаратыўна-прыкладной творчасці навучэнцаў «Калядная зорка». Тут жа падчас зімовых канікул пройдуць розныя навагоднія праграмы для дзяцей і падлеткаў: «Навагодняя прыгода: новая гісторыя старых сяброў», інтэрактыўнае прадстаўленне «Майстэрня Дзеда Мароза», для самых маленькіх — «Галоўнае чараўніцтва Новага года» і іншыя.

Дар'я ШЛАПАКОВА

Прэв'ю: postila.ru

Загаловак у газеце: Прыемнае з карысным

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Пра стасункі, армію і падарункі.

Грамадства

Вайна пакінула яму жыццё, але забрала блізкіх. Завіталі да клічаўскага ветэрана вайны Міхаіла Фельдмана

Вайна пакінула яму жыццё, але забрала блізкіх. Завіталі да клічаўскага ветэрана вайны Міхаіла Фельдмана

Нягледзячы на свае 96, Міхаіл Фельдман выглядае на зайздрасць бадзёрым і маладжавым. 

Грамадства

Прыёмная кампанія: да чаго рыхтавацца?

Прыёмная кампанія: да чаго рыхтавацца?

Зроблены першы крок да аб'яднання экзаменаў.