24 верасня, чацвер

Вы тут

Другі этап рэпетыцыйнага тэсціравання стартуе ў студзені 2020 года


Даты правядзення “рэпетыцыі” экзамену ўстанаўліваюць установы адукацыі, спіс якіх можна знайсці на сайце Рэспубліканскага інстытута кантролю ведаў у раздзеле "Рэпетыцыйнае тэсціраванне"/ "Пункты правядзення РТ".


Фота Ганны ЗАНКАВІЧ

Рэгістрацыя на рэпетыцыйнае тэсціраванне ажыццяўляцца ў анлайн-рэжыме праз адзіную сістэму рэгістрацыі ў асабістым кабінеце ўдзельніка тэсціравання на сайце РІКВ. Каб зарэгістравацца для ўдзелу ў рэпетыцыйным тэсціраванні, абітурыент павінен зайсці ў свой асабісты кабінет на сайце www.rіkс.bу, выкарыстоўваючы ўкладку “РТ, оn-lіnе рэгістрацыя”, увёўшы серыю і нумар дакумента, які сведчыць асобу, або пасведчання аб нараджэнні, і пароль.

Калі будучы абітурыент рэгіструецца для праходжання рэпетыцыйнага тэсціравання ўпершыню, ён павінен стварыць свой асабісты кабінет удзельніка рэпетыцыйнага тэсціравання на сайце РІКВ, выкарыстоўваючы ўкладку “РТ, оn-lіnе рэгістрацыя”.

У асабістым кабінеце трэба зрабіць заяўку на ўдзел у другім раўндзе рэпетыцыйнага тэсціравання, выбраўшы пункт яго правядзення, дату, час здачы экзамену, навучальны прадмет і мову прадстаўлення тэста (беларускую ці рускую).

Рэпетыцыйнае тэсціраванне дае ўдзельнікам магчымасць праверыць свае веды па 15 вучэбных прадметах за курс агульнай сярэдняй адукацыі, у іх ліку беларуская мова, руская мова, матэматыка, фізіка, хімія, біялогія, гісторыя Беларусі, сусветная гісторыя найноўшага часу, геаграфія, замежная мова (англійская, нямецкая, французская, іспанская, кітайская) і грамадазнаўства.

Падчас рэпетыцыйнага тэсціравання  ўдзельнікі могуць азнаёміцца ​​з тэхналогіяй выканання тэставых заданняў, патрэніравацца ў запаўненні бланка адказаў, што ў будучыні мінімізуе рызыку дапусціць тэхнічныя памылкі падчас адказнага выпрабавання. Псіхалагічна да тэставай формы ўступных іспытаў усе ўжо даўно прызвычаіліся, а вось тэхнічная адаптацыя патрабуецца кожнаму новаму пакаленню абітурыентаў

Другі этап рэпетыцыйнага тэсціравання будзе праходзіць у студзені — лютым, а ў сакавіку стартуе трэці этап.

Між іншым, з 20 снежня ў асабістым кабінеце на сайце Рэспубліканскага інстытута кантролю ведаў даступнае тэматычнае кансультаванне па тэстах першага этапу рэпетыцыйнага тэсціравання па ўсіх вучэбных прадметах.

Надзея НІКАЛАЕВА

Выбар рэдакцыі

Палітыка

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

«Горш за ўсё, калi канфрантацыйная рыторыка гучыць з боку ўлады».

Грамадства

Як бяздзетнай пары завесцi дзiця?

Як бяздзетнай пары завесцi дзiця?

У гэтым праекце знаёмім вас з бяздзетнымi парамi, якiя хацелі, але праз стан свайго здароўя не маглі мець дзяцей.

Культура

Аляксандр Радзькоў. З кнігі «Мой фiзмат»

Аляксандр Радзькоў. З кнігі «Мой фiзмат»

Працягваем публікаваць урыўкі з кнігі.