Найлепшымі спартсменамі 2019 года ў Беларусі прызнаныя чэмпіёнка свету-2019 у акрабатычных скачках на лыжах Аляксандра Раманоўская і штангіст Андрэй Арамнаў. Традыцыйны апытанне сярод журналістаў праводзіла газета "Спартыўная панарама".
Фрыстайлістка ў лютым гэтага года парадавала беларускіх заўзятараў перамогай на чэмпіянаце свету, адсвяткаваўшы адзін з самых значных поспехаў у сваёй кар'еры. Андрэй Арамнаў стаў адным з галоўных герояў планетарнага першынства ў Патае, выйграўшы срэбра ў шматбор'і, а таксама малыя сярэбраны і бронзавы медалі ў асобных практыкаваннях.
У дзясятку найлепшых спартсменаў 2019 года, на думку СМІ, увайшлі Вольга Худзенка і Марына Літвінчук (веславанне на байдарках і каноэ), Арына Сабаленка (тэніс), Вольга Сілкіна (сучаснае пяцібор'е), Максім Недасека (лёгкая атлетыка), Уладзіслаў Ганчароў (скачкі на батуце), Яўген Ціханцоў (цяжкая атлетыка).
Найлепшай камандай у гульнявых відах спорту па выніках года прызнана зборная Беларусі па пляжным футболе, якая прабілася на чэмпіянат свету. Сярод негульнявых відаў найлепшай камандай прадказальна прызнана зборная па веславанні на байдарках і каноэ.
Найлепшым трэнерам года прызнаны Уладзімір Шантаровіч (веславанне на байдарках і каноэ), у тройцы найлепшых настаўнікаў Генадзь Галіцкі (веславанне на байдарках і каноэ) і Віктар Шаршукоў (цяжкая атлетыка).
Конкурс па вызначэнні нйалепшых атлетаў года газета "Спартыўная панарама" праводзіла ў 61-ы раз. У традыцыйным апытанні спартыўнага выдання прымаў удзел 91 журналіст, кожны назваў сваю дзесятку найлепшых.
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.