Вы тут

«Прамень» выпусціў 200 экзэмпляраў цікавага гадзінніка


Загадкавая беларуская мастачка Алена Кіш, якая замест работы ў калгасе хадзіла па вёсках і за ежу прапаноўвала людзям свята — свае маляваныя дываны з казачнымі сюжэтамі, ільвамі і экзатычнымі птушкамі, раз-пораз становіцца героем усё новых ініцыятыў. Гэтым разам — лімітаванай калекцыі адмысловых наручных гадзіннікаў «Асоба» Мінскага гадзіннікавага завода: «Прамень» выпусціў усяго толькі дзвесце экзэмпляраў з выявай на цыферблаце фрагмента дывана «Рай».


luch.by

Гэта не першае з'яўленне ў сучаснай апрацоўцы беларускай мастачкі-дзівачкі першай паловы мінулага стагоддзя, дарэчы, адкрытай ледзь не выпадкова. У Беларусі, напрыклад, можна знайсці выкшталцоныя шаўковыя хусткі ад брэнда Murаškа Аdzіеnnіе, прынты на якіх зроблены па матывах творчасці Алены Кіш. Не так даўно мы мелі нагоду расказаць пра спектакль «Прымітывы», пастаўлены рэжысёрам Аляксандрам Марчанкам у прасторы Оk16, дзе згадкі пра мастачку паралеляцца з дзённікам яе аднавяскоўца, які паказвае тагачаснае жыццё, чым падкрэслівае пэўную адарванасць Кіш ад рэальнасці.

Алена Кіш, якую лічылі як не з гэтага свету, зарабляла распісваннем дываноў, у якіх увасабляла ўсю сваю шырокую фантазію аб заморскіх светах з райскімі садамі і закаханымі, але праз наладжванне ў Савецкім Саюзе вытворчасці гэтага атрыбута інтэр'еру страціла і без таго нешматлікіх кліентаў і ўрэшце скончыла жыццё самагубствам. Яе «адкрылі» шырокай публіцы толькі ў канцы 1970-х дзякуючы мастаку Уладзіміру Басалыгу, які стаў збіраць па вёсках, а часам і па вясковых хлявах, райскія сады мастачкі.

З нагоды выпуску калекцыі «Асоба» ў краме гадзіннікавага завода цяпер выстаўлены менавіта той «Рай», які трапіў на цыферблат гадзіннікаў, з калекцыі Заслаўскага музея, дзе захоўваецца найбуйнейшая калекцыя дываноў мастачкі. На адваротным баку вырабу знаходзіцца гравіроўка ў выглядзе кветак з абрамлення дывана.

Сафія ПАЛЯНСКАЯ

Загаловак у газеце: «Рай» можна насіць на руцэ

Выбар рэдакцыі

Грамадства

У Беларусі дыягнаставаны 861 выпадак каранавіруса

У Беларусі дыягнаставаны 861 выпадак каранавіруса

31 знаходзіцца на штучнай вентыляцыі лёгкіх.

Грамадства

Прыехаць за 30 хвiлiн. Як у аварыйных выпадках павiнны рэагаваць камунальнiкi

Прыехаць за 30 хвiлiн. Як у аварыйных выпадках павiнны рэагаваць камунальнiкi

У Беларусi дзейнiчае такi дакумент, як «Тэхнiчная эксплуатацыя жыллёвых i грамадскiх будынкаў i збудаванняў. Парадак правядзення».

Грамадства

Як у магiлёўскiх хлопчыкаў i дзяўчынак фармiруюць асновы крэатыўнага мыслення

Як у магiлёўскiх хлопчыкаў i дзяўчынак фармiруюць асновы крэатыўнага мыслення

Школа «Альфа+» iснуе ў Магiлёве ўсяго год, але ў яе ўжо ёсць пастаянныя наведвальнiкi.

Палітыка

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

Пра першы год жыцця Вярхоўнага суда ў новым будынку — Валерый Калiнковiч.