Вы тут

У пятніцу стартуе ХVІ Калядны міжнародны турнір аматараў хакея


На прыз Прэзідэнта Рэспублікі Беларусь

У спаборніцтве, якое пачнецца на сталічнай «Чыжоўка-Арэне», паўдзельнічаюць 12 камандаў: Кітая, Фінляндыі, Германіі, Расіі, Швейцарыі, Аб'яднаных Арабскіх Эміратаў, Украіны, ЗША, зборныя Балкан, Балтыі і ІІHF і каманда Прэзідэнта Беларусі.


Пачнецца турнір 3 студзеня матчам Украіна — Швейцарыя на вялікай арэне. Урачыстая цырымонія адкрыцця запланавана ў гэты ж дзень у 17.30. Па інфармацыі прэс-службы Прэзідэнцкага спартыўнага клуба, 5 студзеня ў рамках турніру пройдзе акцыя «Калядная традыцыя», а 6 студзеня знакамітыя гульцы правядуць майстар-клас для ўдзельнікаў рэспубліканскіх спаборніцтваў сярод дзяцей і падлеткаў па хакеі «Залатая шайба».

На Каляды, 7 студзеня, пройдуць фінальныя матчы.

Упершыню ў гісторыі каляднага турніру выручка ад продажу білетаў на вячэрнія матчы будзе накіравана на дабрачыннасць. Сродкі пералічаць у Мазырскі дзіцячы дом. Па інфармацыі, размешчанай на афіцыйным сайце Федэрацыі хакея Беларусі, кошт білетаў на вячэрнія матчы складзе пяць беларускіх рублёў, на ўсе астатнія матчы — уваход свабодны.

Арганізатарамі турніру з'яўляюцца: Рэспубліканскае дзяржаўна-грамадскае аб'яднанне «Прэзідэнцкі спартыўны клуб», Асацыяцыя «Федэрацыя хакея Беларусі», Міністэрства спорту і турызму, Мінскі гарадскі выканаўчы камітэт.

Марыя ДАДАЛКА

Прэв'ю: ap22.ru

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.