Вы тут

Некаторых пенсіянераў чакае прыбаўка да пенсіі


З 1 студзеня 2020 года ўводзяцца штомесячныя даплаты да пенсій непрацуючых пенсіянераў, якія дасягнулі агульнаўстаноўленага пенсійнага ўзросту, і маюць адначасова навуковую ступень доктара навук і вучонае званне прафесара. Адпаведны Указ ад 18 кастрычніка 2019 года № 386 «Аб стымуляванні навуковай дзейнасці і ўдасканаленні аплаты працы» падпісаў Прэзідэнт Рэспублікі Беларусь.


Памер даплаты са студзеня складзе 370 рублёў — гэта двухразовы памер базавай стаўкі, якая ўстанаўліваецца Саўмінам для аплаты працы работнікаў бюджэтных арганізацый.

Але каб яе атрымліваць, трэба звярнуцца ў пенсійны орган па месцы жыхарства з заявай, працоўнай кніжкай і дакументамі, якія пацвярджаюць прысуджэнне вучонай ступені і прысваенне вучонага звання. Даплата ўстанаўліваецца з першага чысла месяца, наступнага за месяцам звароту ў пенсійны орган. Яе выплата будзе ажыццяўляцца разам з пенсіяй.

У Мінпрацы і сацабароны адзначылі, што непрацуючымі пенсіянерамі лічацца асобы, якія атрымліваюць пенсіі, але не з'яўляюцца індывідуальнымі прадпрымальнікамі, не ажыццяўляюць працоўную дзейнасць на падставе працоўных, грамадзянска-прававых дагавораў, прадметам якіх з'яўляецца аказанне паслуг, выкананне работ і стварэнне аб'ектаў інтэлектуальнай уласнасці, альбо на аснове членства (удзелу) у юрыдычных асобах любых арганізацыйна-прававых формаў.

Таксама з указа вынікае, што даплата не ўстанаўліваецца да пенсій асоб, якія адбываюць пакаранне ў выглядзе пазбаўлення волі ў папраўчых установах.

Святлана Бусько

Выбар рэдакцыі

Палітыка

Як галасавалі рэгіёны на выбарах Прэзідэнта

Як галасавалі рэгіёны на выбарах Прэзідэнта

Расказваюць нашы карэспандэнты.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.