Вы тут

На журфаку БДУ ўпершыню прайшоў Тыдзень культуры


Праграма складалася з серыі тэматычных мерапрыемстваў, прысвечаных беларускай літаратуры, журналістыцы, крытыцы, а таксама сучаснаму айчыннаму кінематографу, тэатральнаму мастацтву і літаратурнаму менеджменту.


— У нас з Выдавецкім домам «Звязда» ёсць кластар, які дазваляе захоўваць цесныя сувязі паміж навучальным і вытворчым працэсам, — распавяла загадчык кафедры літаратурна-мастацкай крытыкі факультэта журналістыкі БДУ Людміла Саянкова. — Дзякуючы гэтаму студэнты могуць далучацца да сваёй прафесіі напрамую і як мага раней. Студэнтам, як правіла, прапануецца шмат мерапрыемстваў. Але адна справа забаўляць, іншая — захапляць і далучаць да каштоўнасцяў. Таму мы і вырашылі разам з Выдавецкім домам «Звязда» правесці такі Тыдзень культуры, сутнасць якога заключаецца ў папулярызацыі сферы мастацтва.

Кожны дзень тыдня, які праходзіў з 16 па 20 снежня, быў прысвечаны пэўнаму віду мастацтва. Кожны студэнт мог заявіць пра сябе. Па словах арганізатараў, студэнты для іх адкрыліся з новага боку. Акрамя таго, што чыталі свае вершы, прозу, публіцыстычныя эсэ, яшчэ і выступілі ў якасці фэшн-дызайнераў, паказалі свае мадэлі адзення, вырабы з натуральных камянёў, кветак, прадэманстравалі, што захапляюцца кіно, але не проста як гледачы, а як рэжысёры, якія ствараюць свае фільмы. Другі дзень Тыдня культуры быў прысвечаны літаратуры. Кожнаму студэнту, вядома, хацелася б бачыць апублікаваным не толькі ў газеце ці часопісе, але і мець свае кнігі. Таму арганізатары запрасілі на сустрэчу і дырэктара выдавецтва «Мастацкая літаратура» Алеся Бадака. А трэці дзень прысвяцілі культурнаасветніцкай журналістыцы. Галоўныя рэдактары вядомых літаратурных выданняў зладзілі са студэнтамі дыялог. Прайшла сустрэча з дачкой Алеся Адамовіча Наталляй Адамовіч.

Чацвёрты дзень быў тэатральна-песенны: у праграме — сустрэчы з тэатральнымі крытыкамі, якія распавялі, што ўвогуле ўяўляе сабой сучаснае тэатральнае мастацтва. Тыдзень культуры супаў з Днём 95-годдзя беларускага кіно, таму фінальны дзень прысвяцілі кінапаказам і размовай пра кіно. Прайшла сустрэча з  аўтарам першага беларускага сіткама «Ілюзіі» Іванам Паўлавым, які распавёў, як змог дамагчыся поспеху ў жанры камедыі.

Тыдзень культуры стаў добрай нагодай для студэнтаў паспрабаваць сумясціць тэорыю і практыку, а таксама зразумець, у якім кірунку рухацца далей. Дарэчы, арганізатары абвясцілі, што правядзенне такога тыдня на журфаку будзе традыцыйным.

Вікторыя АСКЕРА

Загаловак у газеце: Паміж навучальным і вытворчым

Выбар рэдакцыі

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».