Вы тут

Акцыя «Нашы дзеці» дэманструе неабыякавасць з боку яе ўдзельнікаў


«МС» ужо знаёміла чытачоў з тым, як члены Савета Рэспублікі далучыліся да рэспубліканскай дабрачыннай акцыі, накіраванай на падтрымку ўразлівай катэгорыі дзяцей. Але сёння хочам звярнуць увагу яшчэ на два адрасы, дзе пабывалі сенатары: Гродзенскі абласны спецыялізаваны дом дзіцяці для дзяцей з арганічным паражэннем цэнтральнай нервовай сістэмы з парушэннем псіхікі і сацыяльна-педагагічны цэнтр з прытулкам Заводскага раёна Мінска.


У першы завітаў старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці Віктар ЛІСКОВІЧ, які адзначыў, што кожны год бывае тут, каб павіншаваць выхаванцаў інтэрната, уручыць ім падарункі і паглядзець, у якіх умовах знаходзяцца дзеці, ці ўсё ў іх ёсць для таго, каб быць на роўных са сваімі аднагодкамі.

— Цяпер створаны ўсе ўмовы для таго, каб нашы дзеці маглі вучыцца і развівацца, праяўляць свае таленты як у звычайных сем'ях, так і ў прыёмных і шматдзетных, ва ўстановах падобнага тыпу, — адзначыў ён.

Разам з сенатарам у навагодняй акцыі ўдзельнічалі дэпутаты гарадскога і абласнога Саветаў дэпутатаў, прадстаўнікі аблвыканкама, кіраўнікі вядучых устаноў аховы здароўя Гродзеншчыны.

А да выхаванцаў сацыяльнага прытулку Заводскага раёна сталіцы завіталі старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей РАЧКОЎ, дэпутат Палаты прадстаўнікоў Галіна ЛАГУНОВА, кіраўнік адміністрацыі Заводскага раёна Сяргей МАСЛЯК і іншыя ганаровыя госці, якія стварылі сапраўднае свята. Малыя атрымалі камп'ютары, планшэты, пыласос, парасоны і, вядома, прысмакі. Акрамя таго, усіх дзяцей чакаў сюрпрыз — кожнаму выхаванцу падарылі тое, пра што ён прасіў у лісце да Дзеда Мароза.

Але не толькі малым адрасаваліся падарункі: Сяргей Рачкоў уручыў супрацоўнікам цэнтра сертыфікат на 2 тысячы рублёў ад Савета Рэспублікі, бо ў планах адміністрацыі — зрабіць сталоўку ў прытулку яшчэ лепшай і прыгажэйшай.

Дарэчы, зараз у прытулку пры сацыяльна-педагагічным цэнтры Заводскага раёна Мінска знаходзіцца 31 выхаванец. Дзеці забяспечаны ўсім неабходным, але кожны (як і любое іншае дзіця) чакае святочнага цуда і марыць пра шчаслівую сям'ю.

Трэба сказаць, што ўдзелам у дабрачыннай рэспубліканскай акцыі «Нашы дзеці» ўвага сенатараў да ўразлівай катэгорыі малых не абмяжоўваецца. У панядзелак, 13 студзеня, напрыклад, спікер верхняй палаты парламента Наталля Качанава сумесна з членамі Прэзідыума Савета Рэспублікі наведае Рэспубліканскі навукова-практычны цэнтр дзіцячай анкалогіі, гематалогіі і імуналогіі. Сенатары павіншуюць маленькіх пацыентаў з новым 2020 годам, што ўступіў у свае правы, а таксама возьмуць удзел у круглым стале разам з членамі Савета Рэспублікі, кіраўніцтвам цэнтра і Міністэрствам аховы здароўя. Больш падрабязна аб гэтым «МС» раскажа ў наступным нумары.

Вольга АЛЯКСАНДРАВА

Фота sovrep.gov.by

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.