Вы тут

Стартавалі ІІІ зімовыя юнацкія Алімпійскія гульні ў Лазане


ІІІ зімовыя юнацкія Алімпійскія гульні ў Лазане стартавалі яркай цырымоніяй адкрыцця на Vаudоіsе Аrеnа

Маляўнічае шоу расказала пра культуру і традыцыі Швейцарыі, а ўпрыгожаннем цырымоніі стаў парад атлетаў і запальванне алімпійскага агню, які завяршыў сваё падарожжа па альпійскай краіне.


У спаборніцтвах, якія праводзяцца пад эгідай Міжнароднага алімпійскага камітэта, прыме ўдзел роўная колькасць юнакоў і дзяўчат — 1880 спартсменаў больш чым з 70 краін, якія будуць змагацца за медалі ў васьмі відах спорту ў 16 дысцыплінах: біятлоне, бабслеі, кёрлінгу, хакеі з шайбай, санным спорце, фігурным катанні, канькабежным спорце, шорт-трэку, скелетоне, фрыстайле, горных лыжах, скачках з трампліна, лыжных гонках, скі-альпінізме,
лыжным дваяборстве і снаўбордынгу.

Беларуская дэлегацыя ў Лазане будзе прадстаўлена ў пяці відах спорту: біятлон (3 юнакі і 3 дзяўчыны), гарналыжны спорт (1 юнак), канькабежны спорт (2 юнакі і 2 дзяўчыны), лыжныя гонкі (2 юнакі і 2 дзяўчыны), хакей з шайбай — турнір 3х3 (4 юнакі).

Талісманам Гульняў абраны Ёдлі — фантастычны звярок, які ўяўляе сабой сумесь каровы, казы і сабакі пароды сенбернар — жывёл, распаўсюджаных у Швейцарыі.

Нагадаем, юнацкія Алімпійскія гульні праводзяцца МАКам раз у чатыры гады. Першыя зімовыя Гульні для юных спартсменаў адбыліся ў 2012 годзе ў аўстрыйскім Інсбруку, а ў 2016-м галоўныя старты маладых атлетаў прымаў нарвежскі Лілехамер.

ІІІ юнацкія зімовыя Алімпійскія гульні завершацца 22 студзеня.

Дар'я Лабажэвіч

Загаловак у газеце: Галоўны старт для маладых

Выбар рэдакцыі

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.