Вы тут

У выхадныя будзе цёпла і ветрана


Чарговыя выхадныя будуць у нас зноў цёплыя. Але на вуліцы дастаткова няўтульна, таму што ветрана, вільготна і золка, паведамляюць нам спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Уначы ў суботу надвор'ем будзе кіраваць атмасферны фронт, а ўдзень улада пяройдзе да тылавой часткі цыклону, які змяшчаецца з поўдня Балтыйскага мора на цэнтральныя раёны еўрапейскай часткі Расіі. Чакаецца воблачнае, удзень з праясненнямі, надвор'е. Уначы часам ападкі, па Віцебскай вобласці ў асобных раёнах моцныя дажджы і мокры снег. Удзень на большай частцы тэрыторыі краіны кароткачасовыя ападкі, у асноўным дождж. Вецер заходні і парывісты. Тэмпература паветра на працягу сутак ад нуля да плюс 6 градусаў.

У нядзелю надвор'е значна палепшыцца. Гэта адбудзецца, таму што яно ў асноўным будзе фарміравацца ў вобласці павышанага атмасфернага ціску, толькі ў паўночных раёнах адаб'ецца ўплыў малаактыўнага атмасфернага фронту. Будзе воблачна з праясненнямі, пераважна без ападкаў, толькі месцамі па поўначы Беларусі пройдуць невялікія кароткачасовыя дождж і мокры снег. Уначы і раніцай у асобных раёнах слабыя туман і галалёд, на дарогах галалёдзіца. Вецер паўднёва-заходні парывісты, у дзённыя гадзіны ў паўночных раёнах месцамі моцны парывісты. Мінімальная тэмпература паветра ўначы будзе ад мінус 5 градусаў да плюс 2 градусаў, а максімальная днём — ад нуля да 6 цяпла.

Паводле папярэдніх прагнозаў айчынных сіноптыкаў, у панядзелак і аўторак умовы надвор'я будуць вызначаць франтальныя раздзелы і паветраныя масы атлантычнага паходжання. Удзень будзе ад нуля да 5 цяпла, а ўначы ад плюс 2 градусаў да 3 градусаў марозу.

Сяргей КУРКАЧ

Прэв'ю: amur.info

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.