Вы тут

Музею парламентарызму — быць!


Адзін з наведвальнікаў нагадаў, што 13 студзеня 1997 года адбылася першая сесія Савета Рэспублікі. Такім чынам, роўна праз два гады верхняй палаце парламента споўніцца чвэрць стагоддзя — прыгожая і важная наперадзе дата. З гэтай нагоды Аляксандр Вярцінскі, дарэчы, сам у мінулым парламентарый, дэпутат Вярхоўнага Савета, вырашыў асабіста прапанаваць старшыні Савета Рэспублікі план стварэння музея беларускага парламентарызму. Агучыў нават і тое, як можна знайсці пазабюджэтныя крыніцы фінансавання.


Фота БелТА.

Ідэя музея не толькі зацікавіла Наталлю Качанаву, але выклікала гарачую падтрымку і ўдзячнасць. «Мы абавязаны гэта зрабіць», — выказала яна ўпэўненасць. Ёсць час падумаць і над арганізацыйнымі пытаннямі, і над афармленнем цікавай, разнастайнай і ў пэўным сэнсе пераканаўчай экспазіцыі музея. Бо мінаюць гады, многае забываецца, а людзі, асабліва моладзь, павінны ведаць праўду пра развіццё парламентарызму ў суверэннай Беларусі.

Але аўтар «музейнай» ідэі ўсё ж быў нетыповы наведвальнік для гэтага дня прыёму. У асноўным людзі ішлі са сваімі вострымі жыццёвымі праблемамі і пытаннямі, вырашэнне якіх па розных прычынах, у тым ліку і з-за бюракратычных падыходаў мясцовых улад, зацягвалася, тармазілася. Усіх сваіх суразмоўцаў Наталля Качанава ўважліва выслухала, дала карысныя парады, узяла асобныя звароты пад асабісты кантроль.

Так, старшыню Савета Рэспублікі ўразіла сумная гісторыя мінчаніна, вымушанага пасля разводу з жонкай, пазбаўленай бацькоўскіх правоў, жыць з ёй пад адным дахам. Яе асацыяльныя паводзіны і ўчынкі, якія не адпавядаюць нормам і правілам паводзін людзей, грамадскай маралі, адмоўна ўплываюць на выхаванне двух дзяцей. Аднак раз'ехацца былыя муж і жонка не могуць — заканадаўства не дазваляе. Гэтая сітуацыя, на думку Наталлі Качанавай, сведчыць пра тое, што трэба ўносіць карэктывы ў Дэкрэт № 18 «Аб дадатковых мерах па дзяржаўнай абароне дзяцей у нядобранадзейных сем'ях».

Потым у размове з журналістамі яна сказала, што такая форма работы, як прыёмы грамадзян, апраўдала сабе. Зваротная сувязь павінна быць. Гэта, па словах спікера верхняй палаты парламента, дазваляе пачуць людзей, лепш бачыць іх праблемы, улічваць звароты грамадзян пры падрыхтоўцы законапраектаў, своечасова ўносіць змены ў дзеючыя законы, пры неабходнасці выходзіць з прапановамі на ўзровень Прэзідэнта. У цэлым прыёмы грамадзян дазваляюць ацаніць, як працуе заканадаўства на практыцы.

Леанід ТУГАРЫН

Выбар рэдакцыі

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.