У лютым у Мінску, на базе Нацыянальнага гістарычнага музея Рэспублікі Беларусь і яго філіялаў ў рамках Года малой радзімы пройдзе I Рэспубліканскі краязнаўчы форум Беларусі. Арганізатарамі Форума з’яўляюцца Міністэрства культуры Рэспублікі Беларусь, Міністэрства інфармацыі Рэспублікі Беларусь, дзяржаўная ўстанова “Нацыянальны гістарычны музей Рэспублікі Беларусь”, грамадскае аб’яднанне “Беларускі фонд культуры”. Форум будзе праводзіцца ў партнёрстве з Нацыянальнай бібліятэкай Беларусі і Рэдакцыйна-выдавецкай установай “Выдавецкі дом “Звязда”.
Задачы Форума:
- вывучэнне стану спраў у галіне краязнаўства
- папулярызацыя гісторыка-культурнай і прыроднай спадчыны беларускіх гарадоў і вёсак;
- пашырэнне ведаў аб краязнаўчых праектах Беларусі;
- стварэнне ўмоў для дыялогу паміж краязнаўцамі;
- пашырэнне магчымасцяў творчай самарэалізацыі асобы і садзейнічанне яе прафесійнаму станаўленню;
- далучэнне моладзі ды матэрыяльнай і духоўнай спадчыны Беларусі;
- грамадзянскае і патрыятычнае выхаванне дзяцей і моладзі праз іх далучэнне да даследавання гісторыі, культуры і прыроды роднага краю;
- садзейнічанне выхаванню грамадзяніна Беларусі – патрыёта малой радзімы, дасведчанай асобы, што любіць і шануе свой край, яго традыцыі, помнікі гісторыі, культуры і прыроды;
- патрыятычнае выхаванне моладзі, развіццё ў іх грамадзянскіх якасцяў, пачуцця нацыянальнай самасвядомасці, гонару да нацыянальнага багацця мінулага і сучаснасці Беларусі;
- фарміраванне актыўнай, самастойнай, высокаадукаванай, творчай асобы;
- трансляцыя дасягненняў і вопыту паміж краязнаўцамі.
Удзельнікамі мерапрыемства будуць краязнаўцы, супрацоўнікі ўстаноў культуры, адукацыі, навукі і інфармацыі, студэнты вышэйшых навучальных устаноў, навучэнцы ўстаноў агульнай і сярэдняй спецыяльнай адукацыі, наведвальнікі ўстаноў дадатковай адукацыі, прадстаўнікі грамадскіх арганізацый і інш.
Па выніках работы Форума запланавана выданне зборніка дакладаў. Плануецца прыняцце выніковай рэзалюцыі, а таксама стварэнне Беларускага краязнаўчага таварыства пры Беларускім фондзе культуры.
Кантактная асоба: загадчык навукова–метадычнага аддзела Нацыянальнага гістарычнага музея Рэспублікі Беларусь Юшкевіч Юлія Валер’еўна (+375 17 328–63–72).
Больш падрабязна з палажэннем Форума і патрабаваннямі да дакладаў можна пазнаёміцца ТУТ.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.