Вы тут

Жыхарка Глыбокага шэсць гадоў атрымлівала дапамогу ад дзяржавы на мёртвага мужа


Пры гэтым жанчына ведала, што ён… жывы. Пра гэтую гісторыю паведаміла аддзяленне інфармацыі і грамадскіх сувязяў УУС Віцебскага аблвыканкама.


Яна пачалася яшчэ ў 2005 годзе. Тады жыхарка Глыбокага 1979 года нараджэння, якая мела на руках двух малалетніх дзяцей, звярнулася ў суд з заявай аб знікненні мужа. Праз некаторы час той прызнаў мужчыну без вестак прапаўшым і прызначыў выплату заяўніцы дапамогі па страце карміцеля. У выпадку выяўлення сужыцеля яна абавязана была паведаміць пра гэта ў адпаведныя органы.

Праз восем гадоў яе нядбайны муж вярнуўся ў Глыбокае і нават двойчы ўбачыўся з пакінутай сям'ёй. Як аказалася, усе гэтыя гады ён знаходзіўся ў Расіі, дзе ўжо паспеў абзавесціся сужыцелькай і дзецьмі. Жанчына, не ведаючы, як спагнаць з мужчыны аліменты, не стала апавяшчаць праваахоўнікаў і органы сацыяльнай абароны пра яго нечаканае "ўваскрашэнне" і працягнула атрымліваць ўжо не належныя выплаты.

Спакойнае жыццё непрацуючай вяскоўкі скончылася праз шэсць гадоў пасля таго, як супрацоўнікі групы па барацьбе з эканамічнымі злачынствамі Глыбоцкага РАУС сумесна з калегамі з падраздзялення па грамадзянстве і міграцыі ўстанавілі, што муж наведваў яе і дзяцей у 2013 годзе. Цяпер жанчыне, якая не выканала свае абавязацельствы, пагражае крымінальная адказнасць за незаконнае атрыманне 23 тысяч рублёў дапамогі, налічанай за гэтыя шэсць гадоў. Па факце махлярства ў асабліва буйным памеры следчымі заведзена крымінальная справа.

Сяргей РАСОЛЬКА

Прэв'ю: sozh.info

Выбар рэдакцыі

Спорт

«Дзясятае месца — гэта наша памылка». Беларускія гандбалісты не выйшлі ў алімпійскі кваліфікацыйны турнір

«Дзясятае месца — гэта наша памылка». Беларускія гандбалісты не выйшлі ў алімпійскі кваліфікацыйны турнір

У заключным матчы ЧЕ па гандболе зборная Беларусі згуляла ўнічыю з камандай Аўстрыі — 36:36

Калейдаскоп

Вясёлыя гісторыі чытачоў

Вясёлыя гісторыі чытачоў

«Звязда» неяк правільна пісала, што ёсць такое месца, дзе чалавеку добра аднаму. Гэта — прыбіральня.

Грамадства

РІSА-2018: зваротная сувязь. Якія праблемныя пункты ў адукацыі выявіла міжнароднае даследаванне

РІSА-2018: зваротная сувязь. Якія праблемныя пункты ў адукацыі выявіла міжнароднае даследаванне

Наколькі беларуская сістэма адукацыі канкурэнтаздольная і ці адпавядае яна сусветным трэндам?