Вы тут

Рыхтуецца ратыфікацыя пратакола аб павелічэнні для Беларусі нарматыву па ўвазных мытных пошлінах у ЕАЭС


Палата прадстаўнікоў разгледзіць на вясновай сесіі законапраект аб ратыфікацыі пратакола аб унясенні змяненняў у Дагавор аб ЕАЭС ад 29 мая 2014 года, а таксама аб змяненні і спыненні дзеяння асобных міжнародных дагавораў. Ён прадугледжвае ў ліку іншага павелічэнне для Беларусі нарматыву па ўвазных мытных пошлінах у ЕАЭС. Пра гэта БелТА паведаміла старшыня Пастаяннай камісіі Палаты прадстаўнікоў па бюджэце і фінансах Людміла Ніжэвіч.

Павелічэнне плануецца на 0,3 працэнтных пункта, з 4,56 да 4,86%, за кошт памяншэння нарматываў, устаноўленых для Расіі і Казахстана на 0,2 і 0,1 працэнтных пункта адпаведна. "Гэта дазволіць Беларусі скараціць адмоўнае сальда сустрэчных патокаў сум увазных мытных пошлін і, пачынаючы з бягучага года, дадаткова атрымліваць у даход бюджэту каля Br80 млн", - адзначыла Людміла Ніжэвіч.

Яна нагадала, што нарматывы ўвазных мытных пошлін паміж бюджэтамі краін ЕАЭС пачалі прымяняцца з 1 верасня 2010 года. З тых часоў яны неаднаразова карэктаваліся, у тым ліку ў бок змяншэння для дзяржаў, якія стаялі ля вытокаў фарміравання саюза, - Расіі, Беларусі і Казахстана. "Пры гэтым за ўвесь перыяд функцыянавання ЕАЭС Беларусь, у адрозненне ад іншых краін саюза, не распачала ніякіх дзеянняў па карэкціроўцы механізму размеркавання, якія прывялі б да зніжэння паступлення пошлін (ужыванне выключэнняў, увядзенне санкцый і да т.п.), па-партнёрску падыходзіла да пытаньняў, што ўздымаюцца краінамі ў перыяд далучэння", - звярнула ўвагу парламентарый.

"Улічваючы гэта, у нашай краіны меліся ўсе аб'ектыўныя падставы для пераліку нарматываў у бок павелічэння", - дадала Людміла Ніжэвіч.

Адна з мэтаў ЕАЭС - стварэнне ўмоў для стабільнага развіцця эканомік краін-удзельніц. "Ад таго, наколькі выразна і карэктна ў саюзе будуць выпрацаваны і ўзгоднены асноўныя прынцыпы рэгулявання ўнутранага рынку тавараў, наколькі глыбока вывучаны і улічаны інтарэсы ўсіх удзельнікаў, залежаць канкурэнтаздольнасць нацыянальных эканомік і магчымасць краін супрацьстаяць знешніх выклікам", - рэзюмавала дэпутат.

Прэв'ю: urhelp.guru

Выбар рэдакцыі

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.