Вы тут

Як праходзіла Вадохрышча ў Мінску


У дзень праваслаўнага свята Богаяўлення дзясяткі тысяч вернікаў прыйшлі на тэрыторыю сталічнага храма у гонар Усіх Святых, каб набраць асвечанай вады і акунуцца ў ваду. Вялікая чарга выстраілася да купелі, над якой узвышаецца бронзавая фігура Іаана Хрысціцеля, нягледзячы на адмоўную тэмпературу паветра.


Анатоль КЛЯШЧУК

Фота аўтара


Ёсць на Вадохрышча ў Мінску і адна добрая традыцыя. Акунуцца ў купель 19 студзеня прыходзяць інспектары па справах непаўнагадовых разам са сваімі падапечнымі.

- Гэта акцыя традыцыйная, яна вядзе адлік з 2013 года, - кажа намеснік начальніка аддзела прафілактыкі ГУУС Мінгарвыканкама Яўген Абрамовіч. - Інспектары разам з падлеткамі, якія трапілі ў наша поле зроку і патрабуюць увагі, прыходзяць сюды і акунаюцца разам з імі ў ваду. А пасля дзеляцца ўражаннямі. Натуральна, удзел – цалкам дабравольны. Але мы бачым, што гэта спрыяе таму, што стасункі паміж юнакамі і людзьмі ў пагонах становяцца больш давяральнымі. Мушу пры гэтым зазначыць, што Вадохрышчам мы не абмяжоўваемся. Штогод праводзім турніры па некаторых відах спорту, дзе абавязковы ўдзельнік – сектар інспекцыі па справах непаўнагадовых. Цікава, што нават пасля зняцця з уліку некаторыя дзеці да нас прыходзяць і пытаюцца, ці можна паўдзельнічаць у спаборніцтвах яшчэ раз.

Уладу Лабышу пятнаццаць год. Хлопец стаіць перад купеллю і раз-пораз пазірае ўніз – туды па мармуровых прыступках адзін за другім спускаюцца людзі.

- Я буду акунацца ў першы раз. Паўплывалі бацькі, пераканалі, каб я сюды схадзіў. Ды і інспектар сагітавала. Бацькі сюды прыедуць увечары, ну а я вырашыў акунуцца зранку. Маці з татам спускаюцца на Вадохрышча ў купель не ўпершыню, але ніякіх практычных парад мне не давалі. Спецыяльна для таго, каб выпрабаваў усё на сабе.

Нарэшце пайшоў туды і Улад. Некалькі секунд – і хлопец разам з міліцыянерам падымаюцца назад.

- Вельмі спадабалася. Праз год таксама сюды прыйду. Але ўжо буду рыхтавацца. Было не столькі страшна, колькі холадна. А цяпер пабягу я ў палатку грэцца.

- Мы вырашылі, што сваім уласным прыкладам непаўнагадовым трэба паказваць, што чалавек можа пераадольваць сябе, свае страхі, удасканальвацца ўнутрана, - кажа ўчастковы інспектар інспекцыі па справах непаўнагадовых УУС адміністрацыі Фрунзенскага раёна Мінска, старшы лейтэнант міліцыі Лізавета Зелянкова. – Адгукаюцца на нашу просьбу не ўсе, што цалкам зразумела. Але пасля дзякуюць нам за гэта не толькі самі падлеткі, але і іх бацькі. А гэта дарагога варта.

Валяр’ян ШКЛЕННІК

Фота аўтара

Выбар рэдакцыі

Культура

Мікалай Пінігін: Каб ведаў як, сам напісаў бы класную сучасную п'есу

Мікалай Пінігін: Каб ведаў як, сам напісаў бы класную сучасную п'есу

На рахунку рэжысёра і мастацкага кіраўніка Купалаўскага тэатра Мікалая Пінігіна больш за семдзесят спектакляў, і па некаторыя з іх хоць зараз ідзі на вуліцу Энгельса. 

Грамадства

Расказваем пра тое, як на Брэстчыне раней гатавалі варэнне і як гэта робяць цяпер

Расказваем пра тое, як на Брэстчыне раней гатавалі варэнне і як гэта робяць цяпер

Аказваецца, у нашых вёсках амаль да другой паловы ХХ стагоддзя не мелі звычкі нарыхтоўваць яго, не ведалі, як варыцца.

Спорт

Як у Бабруйску рыхтуюць будучых чэмпіёнаў

Як у Бабруйску рыхтуюць будучых чэмпіёнаў

Менавіта з Бабруйска выйшлі прызёры самых прэстыжных сусветных турніраў па веславанні, барацьбе, боксе, шахматах, лёгкай і цяжкай атлетыцы.

Грамадства

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Летась у Мінскай вобласці адлавілі больш за пяць тысяч бадзяжных жывёл, толькі 203 з іх знайшлі свой дом. Толькі ўявіце сабе, як лічбы адлову павялічваюцца ў маштабах усёй краіны!