Я не з гэтай зімы. Не.
Я адтуль, дзе снягі паляглі, —
Там мароз маляваў на шкле,
Зіхацелі ільдзінкі ў галлі.
Снег у той незваротны час
Самы чысты і светлы быў,
Як матулін ручнік на абраз,
Я той снег не забыў. Не забыў...
У хаўрусе слаты і смугі,
У дажджах, што заміж маразоў,
Успаміны пра тыя снягі
Саграваюць мяне зноў і зноў.
Можа, людзі забудуць зіму,
Цеплыня, нібы рай, ахіне —
Але ж я і тады паўтару:
Я не з гэтага раю. Не.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.