Вы тут

27 студзеня адзначаецца Міжнародны дзень памяці ахвяр халакосту


Кожны год падчас яго правядзення чалавецтва згадвае пра мільёны абарваных жыццяў, пра страшныя пакуты, праз якія прайшоў яўрэйскі народ, трагедыі, што адбываліся ў розных кутках Еўропы. І адна з іх у гады Другой сусветнай вайны звязана з гарадскім пасёлкам Лоеў, што на Гомельшчыне.


Да вайны мястэчка на 70 працэнтаў было яўрэйскае. Сто гадоў таму тут стаялі чатыры сінагогі, працавала багата яўрэйскіх магазінаў і крам. Большасць яўрэяў, якія не паспелі эвакуіравацца, была знішчана. Тыя ж адзінкі, каму ўдалося ўцалець, з'ехалі з мясцін, дзе яны страцілі родных, сяброў, суседзяў.

Каб нагадаць месцічам і гасцям Лоеўшчыны пра гэтыя старонкі гісторыі і аддаць даніну памяці ахвярам 40-х гадоў, Музей бітвы за Дняпро ладзіць дакументальны экспазіцыйны праект «Лоеўскі ізкор» (ізкор — яўрэйская памінальная малітва). Выстаўка, якая адкрыецца 26 студзеня, суправаджаецца слоганам «Чалавечая годнасць, роўнасць і справядлівасць». З фондаў музея прадстаўляюцца дакументы яўрэяў — франтавікоў і партызанаў, якія мужна змагаліся за родную краіну, і лічбавыя копіі заключэння Надзвычайнай дзяржаўнай камісіі па ўстанаўленні і расследаванні злачынстваў нямецка-фашысцкіх захопнікаў на тэрыторыі Лоеўскага раёна, якія былі запісаныя і сабраныя ў некалькі тамоў адразу па вызваленні раёна ў 1944 годзе.

Таксама можна будзе паслухаць успаміны пра ваеннае і даваеннае жыццё, пра адраджэнне роднага краю пасля вайны, запісаныя супрацоўнікамі музея ў экспедыцыях па Лоеве і Лоеўскім раёне.

На адкрыцці выстаўкі можна будзе паглядзець фільм «Да світання. Стэфан Цвэйг у Амерыцы» (2016). Кінастужка прысвечана пісьменніку, які праз сваё яўрэйскае паходжанне і прынцыповую пацыфісцкую пазіцыю вымушаны быў эміграваць з роднай Аўстрыі, акупаванай у той час нацысцкай Германіяй. Выстаўка экспануецца ў рамках рэалізацыі праекта Цэнтра дакументацыі культурнай спадчыны і працягне сваю работу да канца лютага.

Алена ДЗЯДЗЮЛЯ

Прэв'ю: imrey.org

Загаловак у газеце: Я буду маліцца...

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.