Вы тут

На Бераставіччыну завітаў Віктар Лісковіч


У рамках адзінага дня інфармавання насельніцтва на Бераставіччыну завітаў старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці Віктар ЛІСКОВІЧ. Ён сустрэўся з калектывамі цэнтральнай раённай бальніцы і аграфірмы «Стары Дворац».


Падчас сустрэчы ішла размова аб сітуацыі на рынку працы нашай краіны, занятасці і заработнай плаце работнікаў бюджэтных сфер. Віктар Лісковіч заўважыў, што заробак ніводнага з работнікаў установы аховы здароўя ў студзені не павінен быць меншы, чым у лістападзе мінулага года.

Акрамя таго, старшыня профільнай камісіі звярнуў увагу на ролю дэпутатаў рознага ўзроўню ў вырашэнні надзённых праблем людзей на канкрэтнай тэрыторыі, аб наданні галоснасці гэтай дзейнасці праз СМІ, асабліва мясцовы друк:

— Трэба, каб людзі, якія не прысутнічалі на сустрэчах, ведалі, пра што там ішла гаворка, — падкрэсліў сенатар. — Сустрэчы з людзьмі, асабістыя прыёмы грамадзян, выязныя прыёмы дапамагаюць не толькі пачуць і дапамагчы канкрэтнаму чалавеку, але і ўбачыць, дзе не спрацоўваюць нейкія кірункі, тэндэнцыі на ўзроўні рэгіёна, краіны, каб своечасова змяніць законапраект і ў далейшым сістэма працавала без збояў.

Віктар Лісковіч расказаў пра свае планы дэпутацкай дзейнасці ў рэгіёнах, адказаў на пытанні прысутных. У прыватнасці, пра тое, якія заканадаўчыя акты, што датычацца непасрэдна аховы здароўя і ў цэлым сацыяльнай сферы, плануецца разгледзець у Савеце Рэспублікі, як прыцягнуць моладзь да заканатворчай дзейнасці і як спыніць адток маладых медыкаў за межы краіны.

На сустрэчы з калектывам аграфірмы «Стары Дворац» размова ішла і аб сацыяльнай палітыцы, будаўніцтве жылля для маладых спецыялістаў і замацаванні іх на роднай зямлі.

Пасля сустрэчы сенатар наведаў рамонтныя майстэрні аграфірмы, пазнаёміўся з вытворчымі і бытавымі ўмовамі, пабываў у базавай школе.

Па матэрыялах «Бераставіцкай газеты»

Загаловак у газеце: Што можа дэпутат?

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.