24 верасня, чацвер

Вы тут

Летась лясгасы краіны вырасцілі каля 3 мільёнаў дэкаратыўных раслін


Пра гэта паведамляе Міністэрства лясной гаспадаркі.


У 2019 года лясгасы прынялі актыўны ўдзел у азеляненні краіны. Так, пры непасрэдным удзеле работнікаў лясной гаспадаркі такая работа была праведзена на тэрыторыі 36 населеных пунктаў, 19 школ, 6 бальніц, 4 ферм, 4 месцаў адпачынку, 7 сядзіб сельскагаспадарчых арганізацый і 11 дарог агульнай працягласцю каля 60 кіламетраў. Акрамя таго, спецыялісты лясгасаў дапамаглі закласці 6 сквераў агульнай плошчай 1,2 гектара, 3 дэндрапаркаў (2,35 гектара) і 19 алей працягласцю 1,7 кіламетра.

Акрамя гэтага лесагаспадарчыя ўстановы працягнулі вырошчванне пасадачнага матэрыялу для азелянення. Гэты напрамак лясгасы развіваюць на працягу многіх гадоў. За прайшоўшы час не толькі адпрацаваны ўсе тэхналогіі, але і пашыраны асартымент раслін, якія выкарыстоўваюцца для падобных мэтаў. Усяго ў лясных гадавальніках сёння вырошчваецца больш за 200 відаў дэкаратыўных драўняных і хмызняковых парод.

Так, для правядзення азеляняльных работ у 2019 годзе было вырашчана каля 3 мільёнаў дэкаратыўных раслін, у тым ліку дрэў іглічных парод -- 1,3 мільёна штук, дрэў ліставых парод -- 470 тысяч штук, кустоў -- 1,2 мільёна штук.

Летась толькі насельніцтва набыло у лясгасаў больш за 625 тысяч штук дэкаратыўнага пасадачнага матэрыялу. Значную колькасць раслін купілі дарожныя і сельскагаспадарчыя арганізацыі, прадпрыемствы Міністэрства жыллёва-камунальнай гаспадаркі.

У галіне сёння функцыянуюць 74 пастаянныя лясныя гадавальнікі. Іх агульная плошча складае звыш 1,3 тысячы гектараў.

Сяргей РАСОЛЬКА

Прэв'ю: forestzone.by

Выбар рэдакцыі

Палітыка

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

«Горш за ўсё, калi канфрантацыйная рыторыка гучыць з боку ўлады».

Грамадства

Як бяздзетнай пары завесцi дзiця?

Як бяздзетнай пары завесцi дзiця?

У гэтым праекце знаёмім вас з бяздзетнымi парамi, якiя хацелі, але праз стан свайго здароўя не маглі мець дзяцей.

Культура

Аляксандр Радзькоў. З кнігі «Мой фiзмат»

Аляксандр Радзькоў. З кнігі «Мой фiзмат»

Працягваем публікаваць урыўкі з кнігі.