Вы тут

26 студзеня ў Мінску пройдзе дабрачынная акцыя "Любоў у падарунак"


Яе праводзяць ужо трэці год запар прадзюсарскі цэнтр Ядвігі Паплаўскай і Аляксандра Ціхановіча, дабрачынны фонд "Спірас", валанцёры і проста нераўнадушныя гараджане.


"У працяг распачатых і зладжаных у розны час Аляксандрам Ціхановічам дабрачынных праектаў мы прынялі рашэнне пасля яго зыходу замест якіх-небудзь іншых мерапрыемстваў, канцэртаў ці вечарын, напярэдадні дня яго памяці працягваць яго цудоўны прыклад шчырага служэння людзям", – расказвае дачка артыста спявачка Анастасія Ціхановіч. Так, у 2018-м падчас акцыі "Любоў у падарунак" мінчане выканалі навагоднія жаданні 300 жыхароў  псіханеўралагічных інтэрнатаў, летась у студзені дапамаглі сацыяльнай сталоўцы таварыства "Водгук" накарміць бяздомных.

Сёлета дапамогу ў выглядзе сродкаў першай неабходнасці, прадметаў гігіены, ласункаў арганізатары накіруюць пажылым пацыентам хоспісаў таварыства "Цэнтр дапамогі Жыцця" ў Мінску і Гродне, а таксама састарэлым насельнікам псіханеўралагічных інтэрнатаў сталічнай вобласці. Напоўніць неабходнымі рэчамі "добрыя кошыкі" можна як у дзень правядзення акцыі "Любоў у падарунак" 26 студзеня з 12 да 19 гадзін у супермаркеце "Грын" (ГЦ "Дана-мол") – валанцёры праекту раздадуць усім ахвотным спісы патрэбных прадметаў, –  так і ў іншы час, звязаўшыся наўпрост з арганізатарамі.

Вікторыя ЗАХАРАВА

Выбар рэдакцыі

Культура

Што паглядзець у Нацыянальным мастацкім музеі

Што паглядзець у Нацыянальным мастацкім музеі

Вiдавочна, што пакуль былi зачыненыя музеi, гледачы засумавалi па «жывой» сустрэчы з карцiнамi.

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.