З пачатку 2020 года, у параўнанні з мінулым годам, на тэрыторыі Мінскай вобласці назіраецца рост дарожна-транспартных здарэнняў, большасць з якіх адбылася з удзелам найменш абароненай катэгорыі ўдзельнікаў дарожнага руху (пешаходаў, веласіпедыстаў, возчыкаў гужавога транспарту).
Як паведамілі ва УДАІ УУС Мінаблвыканкама, у мэтах прафілактыкі і папярэджання дарожна-транспартных здарэнняў c 24 студзеня да 26 студзеня вартавыя дарог правядуць масіраваную адпрацоўку аўтамабільнай дарогі М-4.
Асаблівая ўвага будзе нададзена спыненню парушэнняў Правілаў дарожнага руху пешаходамі і веласіпедыстамі, выяўленню нецвярозых кіроўцаў, асоб, якія не маюць права кіравання транспартнымі сродкамі, а таксама тых, хто не прадаставіў перавагі ў руху пешаходам і іншым удзельнікам дарожнага руху. Таксама, у выпадку неабходнасці, супрацоўнікі ДАІ будуць аказваць садзейнічанне ўсім удзельнікам дарожнага руху, якім спатрэбіцца дапамога.
Дзяржаўтаінспекцыя настойліва рэкамендуе кіроўцам пры руху ўлічваць умовы надвор’я і дарожныя ўмовы, пры гэтым захоўваць хуткасны рэжым, дыстанцыю паміж транспартнымі сродкамі, правілы абгону, у абавязковым парадку прышпільвацца рамянямі бяспекі, малалетніх дзяцей перавозіць у спецыяльных дзіцячых утрымлівальных прыладах.
Сяргей РАСОЛЬКА
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
