Вы тут

У Горках хлопец і дзяўчына хадзілі па хатах, прыкідваючыся газаўшчыкамі, і больш чым у 4 разы даражэй прадавалі абсталяванне


Па дадзеных следства, 19-гадовы жыхар Магілёва і яго 20-гадовая знаёмая, прадстаўляючыся супрацоўнікамі газавай службы, рэалізоўвалі пажылым людзям сігналізатары загазаванасці. Для пераканаўчасці малады чалавек папярэдне падрабіў пасведчанне інспектара газавай службы. Пра гэта інфармуе СК.


Маладыя людзі лёгка пераконвалі пенсіянераў у неабходнасці набыцця дадзенага абсталявання, распавядаючы аб уцечках газу і яго наступствах. Падазраваныя сцвярджалі, што для пенсіянераў у іх прадугледжана скідка, і за 150 рублёў можна набыць патрэбнае абсталяванне. Ніякія дакументы, якія пацвярджаюць куплю, падазраваныя не выдавалі.

Рэальны кошт названых сігналізатараў загазаванасці складае 35 рублёў.

Адзін з пацярпелых звярнуўся ў газавую службу, каб удакладніць, ці сапраўды накіроўваліся супрацоўнікі для рэалізацыі названага абсталявання. Атрымаўшы адмоўны адказ, мужчына звярнуўся ў праваахоўныя органы. Па ўказаных прыкметах хлопец і дзяўчына былі аператыўна затрыманыя супрацоўнікамі міліцыі.

Распачатыя крымінальныя справы па ч.1 арт.209 (махлярства) Крымінальнага кодэкса. У дадзены момант следчымі ўстанаўліваюцца абставіны іншых эпізодаў ашуканскіх дзеянняў падазраваных

Выбар рэдакцыі

Спорт

Андрэй Ліхавіцкі: Адказнасць, засяроджанасць і любоў

Андрэй Ліхавіцкі: Адказнасць, засяроджанасць і любоў

Андрей Ліхавіцкі — прыклад таго, што геаграфічныя межы спорту не перашкода. Чаму?

Грамадства

Конкурс прафесiйнага майстэрства WorldSkills Belarus 2020 прайшоў у Мiнску

Конкурс прафесiйнага майстэрства WorldSkills Belarus 2020 прайшоў у Мiнску

Конкурс прафесiйнага майстэрства WorldSkills Belarus 2020 прайшоў у Мiнску ў Індустрыяльным парку «Вялiкi камень» з грандыёзным размахам.